Dual PanelMargantung bani Pasu-pasu ni Jahowa do Ganupan
1Doding laho tangkog. Humbani si Salomo. Anggo seng Jahowa na pauli rumah, soya-soya do halojaon ni halak na manukangi; anggo seng Jahowa na manramotkon huta, sisoya-soya do parrundaon ni halak parjaga.
2Sisoya-soya do age girah hanima puho anjaha dokah borngin ase modom, mangankon ruti na hinalojahon bani na hinaholongan-Ni do ibere sanggah modom.
3Tonggor ma, silayak-layak ni Jahowa do anak, sada upah do buah ni partapaan.
4Songon lingkit ibagas tangan ni puanglima, sonai do anak ibagas haposoon.
5Martuah ma dalahi na manggoki parlingkitanni bani sisonai, seng tumaram maila ia anggo marsahap pakon imbangni i horbangan.