Dual PanelBador do Sidomdomi Sion na So Tarkahua halani Jahowa
1Doding laho tangkog. Gati do isosak halak ahu humbani haposoonku nari, sonai ma patut hatahonon ni Israel,
2“Gati do isosak halak ahu humbani haposoonku nari, tapi seng tarkahua sidea ahu.”
3Bani gurungku do maninggala paninggala, marbaluran na ganjang-ganjang do ibahen.
4Tapi Jahowa parpintor in do, manrotapi tali ni parjahat.
5Maningon maila do anjaha surut hu pudi, sagala na mandomdomi Sion.
6Songon poyon na dob tubuh i tayub do sidea, domma melus lape iorbat;
7seng anjai dais tangan ni panabi hujai, barang tangan ni sirahuti radean,
8anjaha seng hatahonon ni halak na montas; Pasu-pasu ni Jahowa ma bani nasiam! Ipasu-pasu hanami ma nasiam marhitei goran ni Jahowa!