Puji-pujian bani Jahowa na Pamonang Israel
1Haleluya. Dodingkon nasiam ma bani Jahowa sada doding na bayu, puji-pujian hu Bani ibagas kuria ni halak na daulat.
2Marmalas ni uhur ma Israel mangidah na manompasi, marsurak-surak ma anak ni Sion mangidah rajani.
3Sai ipuji sidea ma goran-Ni marhitei tortor, sai idodingkon sidea ma Ia marhasoman tambur ampa husapi.
4Ai marosuh do Jahowa mangidah bangsa-Ni, anjaha irudangi halak na toruh maruhur marhitei haluahon.
5Sai marolob-olob ma halak na daulat ibagas hamuliaon, sai marmalas ni uhur ma sidea i atas podomanni!
6Puji-pujian bani Naibata ma ibagas pamangan ni sidea, anjaha podang sidua mata ibagas tanganni,
7laho mandalankon pambalason bani sipajuh begu-begu, ampa uhum bani sagala bangsa,
8laho manangkuti raja-raja ni sidea marhitei rantei, ampa na sangap-sangapni marhitei gari bosi,
9ase ipasaud bani sidea uhum na dob tarsurat. Hasangapon ma on bani sagala na hinaholongan-Ni. Haleluya.