Dual PanelHalak na Baru Marianan i Jerusalem ampa i Huta na Legan ai
1I Jerusalem do marianan pambobai ni bangsa ai; manjomput na sinurat ma bangsa na tading ai, laho manontuhon satangga humbani na sapuluh na tading ai, laho manontuhon satangga humbani na sapuluh marianan i Jerusalem, huta na mapansing ai, anjaha na siah tangga nari i huta na legan.
2Ipasu-pasu bangsa ai ma ganup dalahi, na rosuh uhurni marianan i Jerusalem.
3On do pambobai ni nagori ai, na marianan i Jerusalem; tapi na i huta-huta ni Juda ganup do marianan i parbagiananni bei, ibagas huta ni sidea bei, halak Israel, malim, halak Levi, siparugas i rumah panumbahan, ampa ginompar ni juakjuak ni si Salomo.
4I Jerusalem marianan do deba humbani ginompar ni si Juda anjaha deba humbani ginompar ni si Benjamin. Humbani ginompar ni si Juda, Si Ataya, anak ni si Usia, anak ni si Sakaria, anak ni si Amarya, anak ni si Sepatya, anak ni si Mahalaleel, ai ma na humbani ginompar ni si Peres.
5Ambah ni ai si Maaseya, anak ni si Baruk, anak ni si Kolhose, anak ni si Hasaya, anak ni si Adaya, anak ni si Joyarib, anak ni si Sakaria, anak ni si Siloni.
6Ganup ginompar ni si Peres, na marianan i Jerusalem, ompat ratus onom puluh halak do, halak na borani-borani.
7On do ginompar ni si Benjamin: Si Sallu, anak ni si Mesulam, anak ni si Joed, anak ni si Pedaya, anak ni si Kolaya, anak ni si Maaseya, anak ni si Itiel, anak ni si Jesaya.
8Anjaha dob ai: Si Gabai, si Sallai, siah ratus dua puluh ualuh halak.
9Si Joel, anak ni si Sikri do kopala ni sidea; anjaha si Juda, anak ni si Hassenua do wakil kopala bani huta ai.
10Humbani malim: Si Jedaya, anak ni si Joyarib, si Jakin,
11si Seraya, anak ni si Hilkia, anak ni si Mesulam, anak ni si Sadok, anak ni si Merayot, anak ni si Ahitub, kopala i Rumah ni Naibata,
12ambahni ai sanina ni sidea, na mandalankon horja i rumah panumbahan ai, uluh ratus dua puluh dua halak; sonai homa si Adaya, anak ni si Jeroham, anak ni si Pelaya, anak ni si Amsi, anak ni si Sakaria, anak ni si Pashur, anak ni si Malkia,
13ampa saninani, kopala ni mar sasaompung, dua ratus ompat puluh dua halak, ambahni ai si Amasai, anak ni si Asariel, anak ni si Aksai, anak ni si Mesillemot, anak ni si Immer,
14ampa sanina ni sidea, halak na borani, saratus dua puluh ualuh halak; kopala ni sidea si Sabdiel, anak ni si Haggedolim.
15Humbani halak Levi: Si Semaya, anak ni si Hasub, anak ni si Asrikam, anak ni si Hasabya, anak ni si Buni,
16pakon si Sabbetai, ampa si Josabad, humbani kopala ni halak Levi na mangatur horja i darat bani rumah ni Naibata.
17Ambahni ai si Matanya, anak ni si Mika, anak ni si Sabdi, anak ni si Asap, ai ma pambobai, na mammulai mandodingkon puji-pujian sanggah martonggo; ambahni ai si Bakbukya, kopala paidua humbani saninani; ambahni ai si Abda, anak ni si Sammua, anak ni si Galal, anak ni si Jedutun.
18Haganup halak Levi i huta na mapansing ai, dua ratus ualuh puluh ompat halak.
19Sijaga horbangan: Si Akkub, si Talmon ampa sanina ni sidea, ai ma sijaga horbangan, saratus pitu puluh dua halak.
20Tapi halak Israel, na tading ai, pakon malim ampa halak Levi, marianan do i huta ni Juda, ganup bani parbagiananni bei.
21Ia siparugas i rumah panumbahan marianan i Opel do; anjaha si Siha ampa si Gispa do na mangopalai siparugas na i rumah panumbahan.
22Kopala ni halak Levi i Jerusalem ai ma si Ussi, anak ni si Bani, anak ni si Hasabya, anak ni si Matanya, anak ni si Mika. Ia ginompar ni si Asap, sipandoding ai, mandalankon horja pandodingon do i rumah ni Naibata.
23Ai adong do aturan humbani raja ai pasal sidea, ai ma horin, na dob itotapkon sidalankonon ni pandoding ai ganup ari.
24Ia si Petahya, anak ni si Mesesabeel, humbani ginompar ni si Serah, anak ni si Juda, ai ma wakil ni raja ai bani ganup pahara, na mardomu hubani bangsa ai.
25Ambahni ai humbani ginompar ni si Juda, adong do deba na marianan i dusun ampa i juma ni sidea, ai ma i Kiriat-Arba ampa dusunni, i Dibon ampa dusunni, i Kabseel ampa dusunni,
26i Jesua, i Molada, i Bet-Pelet,
27i Hasar-Sual, i Berseba ampa dusunni,
28i Ziklag, i Mekona ampa dusunni,
29i En-Rimon, i Sorea, i Jarmut,
30i Sanoa, i Adullam ampa dusunni, i Lakis ampa jumani, i Aseka ampa dusunni: Marianan do sidea olat ni Berseba das hu habungan Hinnom.
31Ia ginompar ni si Benjamin marianan do olat ni Geba, i Mikmas, i Aya, i Betel ampa dusunni,
32i Anatot, Nob, Ananya,
33Hazor, Rama, Gitaim,
34Hadid, Seboim, Neballad,
35Lod pakon Ono, i habungan ni tukang hayu ai.
36Anjaha deba humbani halak Levi, na i Juda, ipadomu bani Benjamin.