Dual PanelPanjagaan bani Jerusalem
1Jadi siapkonsi napauli tembok ai, anjaha dob hupansang labah ai, anjaha dob pinabangkit sijaga horbangan, sipandoding ampa halak Levi,
2huondoskon ma bani si Hanani anggingkai, ampa hubani si Hananya, kopala ni benteng ai, ase iparentah sidea Jerusalem, ai paruhur sintong do sidea anjaha marhabiaran bani Naibata, lobihan humbani buei halak.
3Ningku ma dompak sidea, “Seng bulih buhaon horbangan ni Jerusalem, paima milas ari, anjaha sanggah bani iananni ope jongjong parjaga ai, maningon tutupon do labah ni horbangan ai, anjaha pangkei marpating-pating bahenon. Anjaha pabangkit ma parjaga humbani halak pangisi ni Jerusalem, ganup bani parjagaanni, ganup tontang ni rumahni.
Bilangan ni Halak na Mulak hun Habungan Binobahon ni si Serubabel
4Bolag anjaha lumbang do huta ai, tapi otik do jolma pangisini anjaha seng dong ope rumah ipauli.
5Dob ai ipuhoi Naibatangku ma uhurhu, laho patumpuhon halak na sangap pakon kopala-kopala ampa bangsa ai, laho pasuratkon sidea hubagas buku partingkian. Jadi jumpah ahu ma buku partingkian ni sidea na parlobei tangkog, anjaha jumpah ahu do tarsurat ijai:
6On ma jolma pangisi ni nagori ai, na tangkog hun habuangan, na binuangkon ni si Nebukadnesar, raja hun Babel, gabe mulak ma sidea hu Jerusalem ampa hu Juda, ganup hutani bei.
7Roh do sidea rap pakon si Serubabel, si Jesua, si Nehemia, si Asaria, si Ramia, si Nahamani, si Mordahai, si Bilsan, si Misperet, si Bigwai, si Nehum ampa si Baana. Bilangan ni dalahi humbani bangsa Israel:
8Ginompar ni si Paros dua ribu saratus pitu puluh dua halak.
9Ginompar ni si Sepatya tolu ratus pitu puluh dua halak.
10Ginompar ni si Arak onom ratus lima puluh dua halak.
11Ginompar ni si Pahat-Moab, ai ma ginompar ni si Jesua ampa si Joab, dua ribu ualuh ratus sapuluh ualuh halak.
12Ginompar ni si Elam saribu dua ratus lima puluh ompat halak.
13Ginompar ni si Sattu ualuh ratus ompat puluh lima halak.
14Ginompar ni si Sakai pitu ratus onom puluh halak.
15Ginompar ni si Binui onom ratus ompat puluh ualuh halak.
16Ginompar ni si Bebai onom ratus dua puluh ualuh halak.
17Ginompar ni si Asgad dua ribu tolu ratus dua puluh dua halak.
18Ginompar ni si Adonikam onom ratus onom puluh pitu halak.
19Ginompar ni si Bigwai dua ribu onom puluh pitu halak.
20Ginompar ni si Adin onom ratus lima puluh lima halak.
21Ginompar ni si Ater, humbani si Hiskia, siah puluh ualuh halak.
22Ginompar ni si Hasum tolu ratus dua puluh ualuh halak.
23Ginompar ni si Besai tolu ratus dua puluh ompat halak.
24Ginompar ni si Harip saratus sapuluh dua halak.
25Ginompar ni si Gibeon siah puluh lima halak.
26Dalahi na hun Betlehem ampa Netopa saratus ualuh puluh ualuh halak.
27Dalahi na hun Anatot saratus dua puluh ualuh halak.
28Dalahi na hun Bet-Asmavet ompat puluh dua halak.
29Dalahi na hun Kiriat-Jearim, Kapira ampa Beerot, pitu ratus ompat puluh tolu halak.
30Dalahi na hun Rama ampa Gaba onom ratus dua puluh sada halak.
31Dalahi na hun Mikmas saratus dua puluh dua halak.
32Dalahi na hun Betel ampa Ai saratus dua puluh halak.
33Dalahi hun Nebo na paduahon lima puluh dua halak.
34Ginompar ni si Elam na paduahon saribu dua ratus lima puluh ompat halak.
35Ginompar ni si Harim tolu ratus dua puluh halak.
36Dalahi na hun Jeriko tolu ratus ompat puluh lima halak.
37Dalahi na hun Lod, Hadit ampa Ono pitu ratus dua puluh sada halak.
38Ginompar ni si Sena tolu ribu siah ratus tolu puluh halak.
39Malim-malim: Ginompar ni si Jedaya, ai ma ginompar ni si Jesua, siah ratus pitu puluh tolu halak.
40Ginompar ni si Immer saribu lima puluh dua halak.
41Ginompar ni si Pashur saribu dua ratus ompat puluh pitu halak.
42Ginompar ni si Harim saribu sapuluh pitu halak.
43Halak Levi: Ginompar ni si Jesua, ai ma si Kadmiel ampa anak ni si Hodeva, pitu puluh ompat halak.
44Sipandoding: Ginompar ni si Asap saratus ompat puluh ualuh halak.
45Sijaga horbangan: Ginompar ni si Salum, ginompar ni si Ater, ginompar ni si Talmon, ginompar ni si Akub, ginompar ni si Hatita, ginompar ni si Sobai, saratus tolu puluh ualuh halak.
46Sipangurupi i rumah panumbahan: Ginompar ni si Siha, ginompar ni si Hasupa, ginompar ni si Tabaot,
47ginompar ni si Keros, ginompar ni si Siya, ginompar ni si Padon,
48ginompar ni si Lebana, ginompar ni si Hagaba, ginompar ni si Salmai,
49ginompar ni si Hanan, ginompar ni si Gidel, ginompar ni si Gahar,
50ginompar ni si Reaya, ginompar ni si Resin, ginompar ni si Nekoda,
51ginompar ni si Gasam, ginompar ni si Usa, ginompar ni si Pasea,
52ginompar ni si Besai, ginompar ni si Meunim, ginompar ni si Nepisim,
53ginompar ni si Bakbuk, ginompar ni si Hakupa, ginompar ni si Harhur,
54ginompar ni si Baslut, ginompar ni si Mehida, ginompar ni si Harsa,
55ginompar ni si Barkos, ginompar ni si Sisera, ginompar ni si Tema,
56ginompar ni si Nesia, ginompar ni si Hatipa.
57Ginompar ni juakjuak ni si Salomo: Ginompar ni si Sotai, ginompar ni si Soperet, ginompar ni si Perida,
58ginompar ni si Jaala, ginompar ni si Darkon, ginompar ni si Gidel,
59ginompar ni si Sepatya, ginompar ni si Hatil, ginompar ni si Poheret-Hesebaim, ginompar ni si Amon.
60Haganup sipangurupi i rumah panumbahan ampa ginompar ni juakjuak ni si Salomo tolu ratus siah puluh dua halak.
61Anjaha on do halak na tangkog hun Tel-Mela, Tel-Harsa, Kerub-Adon pakon Immer, tapi lang tarpatorang sidea ginompar ni ompung ni sidea barang ginompar ni sidea sandiri, atap na masuk hu Israel do sidea.
62Ginompar ni si Delaya, ginompar ni si Tobia, ginompar ni si Nekoda, onom ratus ompat puluh dua halak.
63Anjaha humbani malim: Ginompar ni si Habaya, ginompar ni si Hakos, ginompar ni si Barsilai, ai ma na mambuat sada boru ni si Barsilai, halak Gilead ai bahen parinangonni, lanjar goran ni sidea ai ma panggoranini.
64Ipindahi sidea do surat hatorangan, paboa na dihut sidea tarsurat ibagas partingkian, tapi lang jumpah ijai, halani ai ipadarat ma sidea humbani hamalimon ai, songon halak na mabutak;
65anjaha ihatahon panrajai ai ma bani sidea, paboa na so bulih panganon ni sidea humbani sipanganon na mapansing sahalian ai, paima bangkit sada malim na mar Urim pakon Tumim.
66Tumpuan ai ganup ompat puluh dua ribu tolu ratus onom puluh halak do bueini,
67sobali jabolon dalahi ampa jabolon naboru ni sidea, ai ma pitu ribu tolu ratus tolu puluh halak bueini; anjaha adong do pandoding bani sidea dua ratus ompat puluh lima halak, dalahi ampa naboru.
68Huda ni sidea pitu ratus tolu puluh onom, anjaha huda ni sidea (pirah ni halode) dua ratus ompat puluh lima do bueini;
69unta ni sidea ompat ratus tolu puluh lima, anjaha halode ni sidea onom ribu pitu ratus dua puluh do.
70Deba humbani kopala ni mar sasaompung itumpaki do horja ai. Sipanrajai ai, ibere do bani parartaan ai saribu darik omas, lima puluh batil ampa lima ratus tolu puluh pakeian ni malim.
71Anjaha deba nari humbani kopala ni mar sasaompung mambere bani parartaan ni horja ai dua puluh ribu darik omas ampa dua ribu dua ratus mina pirak.
72Anjaha na binere ni halak simbuei na legan ai dua puluh ribu darik omas, dua ribu mina pirak ampa onom puluh pitu pakeian ni malim.
73Anjaha marianan ibagas hutani bei ma malim, halak Levi, sijaga horbangan, pandoding, deba humbani halak simbuei, sipangurupi i rumah panumbahan ampa haganup Israel. (8-1) Jadi dob jumpah bulan pitu das ma halak Israel hu huta ni sidea bei.