Alkitab Mobile SABDA
[VER] : [SIMALUNGUN]     [PL]  [PB] 
 <<  Pengkhotbah 10 >> 

Haotoon na Parsedahon Hapentaran

1Lanog na matei mambahen marbau minak na misbou ni sipauli morum-moruman sonai do haotoon na otik parseda hapentaran pakon hasangapon.

2Uhur ni halak na pentar laho dompak siamun, tapi uhur ni halak na oto laho dompak sambilou do.

3Bani dalan ja pe mardalan halak na oto, taridah do hurang ni uhurni, tapi nini do bani halak haganup, sidea do na oto.

4Anggo nahit ringis ni si panggomgomi bam, ulang ma tadingkon iananmu, ai uhur na lamlam do padaohkon buei dousa.

5Adong do na masambor huidah masa i hasiangan on, ai ma halepakon na binahen ni halak si panrajai.

6Halak na oto ipahundul bani ianan na sangap, tapi halak na bayak hundul bani ianan na toruh.

7Huidah jabolon mangajak huda, hape raja-raja mardalan nahei songon jabolon.

Ojur-ojur Mandalankon Hapentaran anjaha Manlembangi Haotoon

8Ise na mangkurak godung, ia sandiri do madabuh hubagas; ise na parseda tembok batu, paguton ni ulog do.

9Ise na mangungkit batu, ra do ugahan, anjaha ise na mambolah hayu, ra do marmara.

10Anggo majol hapak anjaha seng iasah matani, maningon marbois gogoh do halak managilhon ai; tapi untung do ai anggo hapentaran mangkasomani gogoh.

11Anggo domma ipagut ulog paima itabasi, seng marguna be habotohon ni si panabas.

12Hata humbani pamangan ni halak na pentar mambahen ia gabe harosuh, tapi parsahap ni halak na oto parseda dirini do.

13Mungkah ni sahap ni pamanganni haotoon do, anjaha ujung ni parsahapanni pe podou do.

14Buei do sahap-sahap ni halak na oto, age pe seng ibotoh jolma in atap aha na sihol masa; ai ise ma na boi patugahkon bani atap aha na sihol masa i pudini?

15Hangaluton do horja bani halak na oto, dalan hu tiga pe seng ibotoh.

16Bursik ma ho, ale tanoh, anggo dakdanak panrajai bam, anjaha halak na sangap-sangap i tongah-tongahmu girah sogod pe domma marpesta-pesta.

17Martuah ma ho, ale tanoh, anggo halak na marjumbalang panrajai bam, anjaha na sangap-sangapmu mambotoh marpesta bani panorangni, songon halak na hormat, seng songon halak parminum-minum.

18Halani harayohon masik do parhayu ni rumah, anjaha halani tangan na galek tiris rumah.

19Laho marmegah-megah iadongkon halak do pesta-pesta anggur do sipamalas goluh on, anjaha duit do na marsahap bani haganup.

20Age ibagas uhur ulang ma burai raja, anjaha ibagas kamar podomanmu pe, ulang ma burai halak na bayak, ai padason ni manuk-manuk na i awang-awang do soramai, anjaha patugahon ni siparhabong sahapmai.


  Share Facebook  |  Share Twitter

 <<  Pengkhotbah 10 >> 


Bahan Renungan: SH - RH - ROC
Download
Alkitab ANDROID
Kamus Alkitab
Kamus Bahasa
Kidung Jemaat
Nyanyikanlah Kidung Baru
Pelengkap Kidung Jemaat
Alkitab.mobi
Copyright
© 2010-2022
Alkitab.SABDA.org

Android.SABDA.org
SABDA.mobi
Bantuan
Dual Panel

Laporan Masalah/Saran