Alkitab Mobile SABDA
[VER] : [SIMALUNGUN]     [PL]  [PB] 
 <<  Pengkhotbah 5 >> 

Lumba-lumba Pasal Hampung ni Uhur Ibagas Parugamaon

1(4-17) Jaga ma panlangkahmu laho masuk hu rumah ni Naibata; roh hun dohor laho manangihon, dearan do ai humbani galangan na ginalangkon ni halak na oto, halani seng ibotoh, na sambor do hape hinorjahonni ai.

2(5-1) Ulang Maherteptu Pamanganmu, anjaha Ulang Mapodastu Uhurmu Manluarhon Hata i Lobei ni Naibata, ai Naibata i nagori atas do; tapi anggo ho i tanoh on do; halani ai paotik ma parsahapmu.

3(5-2) Ai roh do nipi humbani buei ni panarian, anjaha sahap haotoon humbani buei ni sahap-sahap.

4(5-3) Anggo marbagah-bagah ho bani Naibata, ulang ma padokah-dokah pasaudkon ai, ai seng marosuh Ia mangidah halak na oto. Aha na dob binagahkonmu, pasaud ma ai.

5(5-4) Dearan do ulang ho marbagah-bagah humbani na marbagah-bagah, hape seng ipasaud.

6(5-5) Ulang lopas pamanganmu mambahen badanmu mardousa, anjaha ulang ma hatahon i lobei ni suruhan ni Naibata, “Na silap do in!” Mase ma pala manringis Naibata halani sahapmu, anjaha iparseda horja ni tanganmu?

7(5-6) Ai anggo buei nipi, buei do na so mararti, buei do sahap-sahap; tapi anggo ho, habiari ma Naibata.

Lumba-lumba Pasal Odoh-odoh Ibagas Pamarentahan

8(5-7) Anggo ididah ho pandorunon bani halak na masombuh, hasedaon ni uhum sonai hapintoron i nagori in, ulang pala longang uhurmu pasal ai, ai adong do na mardiateihon siparkuasa-siparkuasa ai, anjaha Na Tang Sitimbulan in do mangatasi sidea haganup.

9(5-8) Ibagas haganupan ai, adong do untung bani sada nagori, anggo iuhurhon raja parjuma-jumaon.

Seng Marguna age Habayakon

10(5-9) Halak na marsinta-sintahon pirak, seng anjai bosur ia humbani pirak; anjaha barang ise na gok uhurni bani habayakon, seng sombuh homa halani pansarianni. On pe sisoya-soya do.

11(5-10) Tambah pansarian, tambah do na mangankon; aha ma laba bani simada ai, sobali na mangidah-idah ai?

12(5-11) Sinok do modom halak siparhorja, atap otik pe ipangan atap buei, tapi seng tarpodom halak na bayak ibahen habayakonni.

13(5-12) Adong do hamagouan banggal, na huidah i toruh ni langit, ai ma habayakon na pinagugun gabe hasedaon bani simadasi.

14(5-13) Ai magou do habayakon ai, halani na masa; seng dong na tading ibagas tangan ni anak na tinubuhkonni.

15(5-14) Songon na talanjang ai ia mandarat hun boltok ni inangni, sonai do parmulakni use; seng dong tarbuatsi age aha bahen upah ni halojaonni, na gabe siboanon ni tanganni hujai.

16(5-15) Anjaha on pe hamagouan banggal do: Sonin parrohni, sonai do parmisirni; aha ma ulihni, ai lang na manangkap logou do ia na ngalutan ai?

17(5-16) Sadokah goluhni golapan anjaha pusok do uhurni; buei do hasunsahanni, boritan anjaha panringisan.

18(5-17) Tonggor ma, pasal na madear na huidah ai: Patut do mangan anjaha minum jolma in, anjaha ipasonang uhurni bani na madear ibagas hangalutonni, na hinorjahonni i toruh ni langit, sadokah ni goluhni na pondok in, na binere ni Naibata bani; ai do rupeini.

19(5-18) Tongon, anggo ibere Naibata bani jolma habayakon pakon arta, ipaturut homa ia mangan ampa marbagian hunjai, anjaha marmalas ni uhur bani horjani, ai pe sibere-bere ni Naibata do.

20(5-19) Ai seng sadiha be ipingkiri ari-ari ni goluhni na pondok in, halani malas ni uhur na binere ni Naibata hubagas uhurni.



Studi Alkitab dengan AI: Chat dengan Alkitab GPT.

Studi lengkap, silahkan lihat: Alkitab SABDA.
Dengar dan baca Alkitab Karaoke, silahkan kunjungi: Alkitab Karaoke.
Rencana Multimedia Baca Alkitab: BaDeNo.

 <<  Pengkhotbah 5 >> 


Bahan Renungan: SH - RH - ROC
Download
Alkitab ANDROID
Kamus Alkitab
Kamus Bahasa
Kidung Keesaan
Kidung Jemaat
Nyanyikanlah Kidung Baru
Pelengkap Kidung Jemaat
Alkitab.mobi
Copyright
Alkitab.SABDA.org
Android.SABDA.org
SABDA.APP
BaDeNo
Alkitab GPT
Bantuan
Dual Panel Dual Panel