Alkitab Mobile SABDA
[VER] : [SIMALUNGUN]     [PL]  [PB] 
 <<  Ratapan 5 >> 

Pangindoan bani Jahowa ase Ipasuang Sion

1Ingat ham ma, ale Jahowa, na masa bennami; idah anjaha mangkawah ma Ham bani habadoronnami!

2Ondos bani halak na legan do parbagianannami, rumahnami bani bangsa na legan.

3Tading maetek do hanami, lang marbapa be, gabe hira na mabalu do inangnami.

4Maningon manggalar do hanami bani bahnami, anjaha sobannami maningon bolionnami do.

5Tampei pasangan bani tangkuhuknami, hona pardakdak do hanami; loja do hanami, seng ipalopas marsaran.

6Hu Masir do isurdukkon hanami tangannami, hu Assur, ase sungkupan sipanganon hanami.

7Mardousa do ompungnami, anjaha seng dong be sidea; hanami do mamorsan salah ni sidea.

8Jabolon do na manrajai hanami, seng dong na paluahkon hanami humbani kuasa ni sidea.

9Mangajamkon hosah hanami mangalop sipanganonnami, halani podang i halimisan.

10Milas do hulingkulingnami songon tataring, halani panutung ni milas ni lohei.

11Hona butakan do naboru i Sion, anak boru i huta-huta ni Juda.

12Kopala-kopala hona gantung marhitei tangan ni sidea; partua-partua seng ipasangap.

13Ipaksa do garama mangkorja bani pandudaan, dakdanak mangkatargompang manarui soban.

14Maronti do partua-partua martumpu i horbangan, anjaha na maposo seng be marhusapi.

15Mangadi do malas ni uhurnami; mubah tortornami gabe tangis-tangis.

16Madabuh do sortali humbani ulunami; bursik do hanami halani dousanami!

17Halani ai do ase maborit uhurnami, halani ai do ase solong matanami,

18halani Dolog Sion, na dob tarulang ai; sorigala mando mardalani ijai.

19Tapi Ham, ale Jahowa, ronsi sadokahni dokahni do manrajai; totap do paratas-Mu marsundut-sundut.

20Mase ma lupa Ham lalab bennami, mase ma sonin dokahni itadingkon Ham hanami?

21Boan Ham ma hanami, ale Jahowa, mulak Bamu, ase saud hanami mulak! Pabayu Ham ma ari-arinami songon na ijia!

22Mintor mambur sonin ma hanami paturuton-Mu? Ai seng marsibar gila-Mu bennami?


  Share Facebook  |  Share Twitter

 <<  Ratapan 5 >> 


Bahan Renungan: SH - RH - ROC
Download
Alkitab ANDROID
Kamus Alkitab
Kamus Bahasa
Kidung Jemaat
Nyanyikanlah Kidung Baru
Pelengkap Kidung Jemaat
Alkitab.mobi
Copyright
© 2010-2022
Alkitab.SABDA.org

Android.SABDA.org
SABDA.mobi
Bantuan
Dual Panel

Laporan Masalah/Saran