Alkitab Mobile SABDA
[VER] : [SIMALUNGUN]     [PL]  [PB] 
 <<  Yesaya 16 >> 

Lumba-lumba Pasal Parseda ni Moab (sambatni)

1Tongos hanima ma guguan na bani raja, ai ma biribiri, hun huta Sela mamontas halimisan hu dolog ni boru Sion.

2Songon manuk-manuk na margepor-gepor, na niusir humbani asarni, sonai do boru Moab bani pandiparan Arnon.

3Bere nasiam podah, bahen haputusan, bahen linggommu songon borngin sanggah siang ni ari; ponopkon nasiam na pinardakdak, ulang tahihon na maporus,

4tondok bani nasiam ma halak na merap hun Moab, nasiam ma haporusan ni sidea humbani sipangagou. Anggo seng ijin be halak sipangodoh-odoh, anjaha maronti ma hasedaon, anjaha misir sipanrojati humbani tanoh in,

5jadi patotapon ma sada hotak marhitei idop ni uhur, anjaha hundul ma i atas ni ibagas hasintongan bani lampolampo ni si Daud sada panguhum na mangkargai uhum, anjaha na hinsah mandalankon hapintoron.

6Domma ibogei hanami pasal gijang ni uhur ni Moab, sumbang tumang, pasal pangenjengonni, pasal hatoalonni, pasal pangunsagahni ampa sahap-sahapni na lumei.

7Halani ai tangis ma Moab, ganup ma manangisi Moab; tangis ma hanima halani ruti na markismis na hun Kirhareset, sosombopon tumang.

8Ai ladang ni Hesbon domma maseda, ampa hayu anggur na i Sibma; raja-raja ni parbegu do marropuki ranting-rantingni; das do ai hu Jaeser, manjulur i halimisan mangumparpar do ranting-rantingni pala mandipari laut.

9Halani ai tangis ma ahu rap pakon par Jaeser, ampa halani hayu anggur ni Sibma; bonsot ma ho hubahen marhitei iluhku, ale Hesbon ampa Eleale, ai domma mangonai surak-surak ni munsuh bani pariamamu ampa buahmu.

10Anjaha hona buat do malas ni uhur ampa olob-olob hun tongah juma, i pohon anggur seng dong be na marmegah-megah, seng dong na marsurak-surak, seng dong na marhorja ibagas kilang anggur; domma hupasoh surak-surak malas ni uhur.

11Halani ai tangis do tonduyhu songon husapi halani Moab, anjaha uhurhu ibagas halani Kir-Heres.

12Jadi age pe ipataridahkon anjaha ilojai Moab dirini bani buntu-buntu panombahan, anjaha masuk ia hubagas rumah panumbahanni laho martonggo, lang dapotan ia.

13Ai ma hata nilumbahon ni Jahowa dompak Moab ijia.

14Tapi sonari sonon do nini Jahowa, “Ibagas tolu tahun on, romban hubani tahun ni halak upahan, sipahirion ma hasangapon ni Moab rap pakon hariahonni ganup, anjaha simasimani otik tumang mando anjaha galek.”


  Share Facebook  |  Share Twitter

 <<  Yesaya 16 >> 


Bahan Renungan: SH - RH - ROC
Download
Alkitab ANDROID
Kamus Alkitab
Kamus Bahasa
Kidung Jemaat
Nyanyikanlah Kidung Baru
Pelengkap Kidung Jemaat
Alkitab.mobi
Copyright
Alkitab.SABDA.org
Android.SABDA.org
SABDA.APP
BaDeNo
Bantuan
Dual Panel Dual Panel