Dual Panel1Haturkeun nuhun ka PANGERAN, demi kasaeana-Na, asih-Na langgeng.
2Haturkeun nuhun ka nu pangagungna ti sakabeh dewa, asih-Na langgeng.
3Haturkeun nuhun ka nu pangkawasana ti sakabeh pangeran, asih-Na langgeng.
4Ngan Mantenna, nu ngadamel mujijat-mujijat agung, asih-Na langgeng.
5Ku kawijaksanaanana Mantenna ngadegkeun langit asih-Na langgeng.
6Mantenna ngadegkeun bumi di luhureun cai jero, asih-Na langgeng.
7Mantenna ngadamel panonpoe jeung bulan, asih-Na langgeng;
8panonpoe geusan ngarajaan beurang, asih-Na langgeng.
9bulan jeung bentang-bentang geusan ngaratuan peuting, asih-Na langgeng.
10Mantenna maehan cikal-cikal urang Mesir, asih-Na langgeng.
11Mantenna nuyun urang Israil budal ti Mesir, asih-Na langgeng;
12ku pananganana anu kuat jeung bedas, asih-Na langgeng.
13Mantenna meulahkeun Laut Beureum, asih-Na langgeng,
14umat-Na dituyun nyorang eta laut, asih-Na langgeng,
15sabalikna raja Mesir jeung baladna diteuleumkeun, asih-Na langgeng.
16Mantenna mingpin umat-Na nyorang gurun keusik, asih-Na langgeng.
17Mantenna maehan raja-raja anu garagah, asih-Na langgeng.
18Mantenna maehan raja-raja anu kasohor, asih-Na langgeng,
19maehan Sihon, raja urang Emor, asih-Na langgeng,
20maehan Og, raja Basan, asih-Na langgeng.
21Tanah maranehna ku Mantenna diserenkeun ka umat-Na, asih-Na langgeng,
22dipasihkeun ka Israil, abdi Mantenna, asih-Na langgeng.
23Mantenna henteu lali waktu urang kasoran, asih-Na langgeng.
24Mantenna ngaleupaskeun urang ti musuh, asih-Na langgeng.
25Mantenna maparin dahareun ka sakabeh mahluk hirup, asih-Na langgeng.
26Haturkeun nuhun ka Allah nu murbeng langit, asih-Na langgeng.