Alkitab Mobile SABDA
[VER] : [SUNDA]     [PL]  [PB] 
 <<  Mazmur 65 >> 

1(65-1) Pikeun pamingpin biduan. Jabur Daud. Lagu. (65-2) Leres, abdi-abdi kedah muji ka Gusti di Sion, sareng nekanan jangji, nun Allah.

2(65-3) Gusti ngamakbul kana paneda, jalmi ti mana-mana bakal darongkap

3(65-4) ngakukeun dosana ka Gusti. Dosa abdi sadaya kacida abotna nanging Gusti kersa ngahapunten.

4(65-5) Bagja jalma-jalma anu ku Gusti dipilih, anu dicandak nyicingan tempat kasucian Gusti. Di dinya abdi-abdi bakal dicekapan ku sagala hal anu sae, nya eta ku berkah-berkah ti Bait Gusti nu suci.

5(65-6) Gusti ngawaler ka abdi-abdi ku maparin kaunggulan, sareng midamel hal-hal anu araheng pikeun nyalametkeun abdi-abdi. Gusti jadi andelan jalmi sadunya, dugi ka anu tarebih di peuntaseun sagara.

6(65-7) Kalayan gagah Gusti nangtungkeun gunung-gunung, mintonkeun kakawasaan anu rongkah.

7(65-8) Gusti nengtremkeun lautan anu motah, nengtremkeun ombakna anu jumegur, sareng nengtremkeun rusuhna bangsa-bangsa.

8(65-9) Jalmi sajagat galimir naringal kaahengan padamelan Gusti. Jalmi-jalmi ti satungtung bumi surak gumbira naringal eta padamelan Gusti.

9(65-10) Tanah teh ku Gusti diriksa, dipasihan hujan, disina subur makmur. Walungan-walungan disina caian, bumi disina bijil hasilna. Ieu anu dipidamel ku Gusti:

10(65-11) Lahan-lahan kenging ngawuluku digeyeran hujan, taneuhna disina riduh dileledok ku cihujan, pepelakanana sina jaradi ngagedean.

11(65-12) Ku berkah Gusti panen teh mucekil! Ka mana Gusti sumping, di dinya tangtos jadi lubak-libuk.

12(65-13) Sampalan-sampalan pinuh ku embe sareng domba, lamping-lamping pasir garerah.

13(65-14) Rayap rendang domba minuhan sampalan, lebak-lebak pinuh ku pelak gandum. Sadayana jadi jigrah kakawihan.



Studi Alkitab dengan AI: Chat dengan Alkitab GPT.

Studi lengkap, silahkan lihat: Alkitab SABDA.
Dengar dan baca Alkitab Karaoke, silahkan kunjungi: Alkitab Karaoke.
Rencana Multimedia Baca Alkitab: BaDeNo.

 <<  Mazmur 65 >> 


Bahan Renungan: SH - RH - ROC
Download
Alkitab ANDROID
Kamus Alkitab
Kamus Bahasa
Kidung Keesaan
Kidung Jemaat
Nyanyikanlah Kidung Baru
Pelengkap Kidung Jemaat
Alkitab.mobi
Copyright
Alkitab.SABDA.org
Android.SABDA.org
SABDA.APP
BaDeNo
Alkitab GPT
Bantuan
Dual Panel Dual Panel