Alkitab Mobile SABDA
[VER] : [SUNDA]     [PL]  [PB] 
 <<  Mazmur 81 >> 

1(81-1) Pikeun pamingpin biduan. Nurutkeun lagu Gitit. Ti Asap. (81-2) Geura sarurak ngahormat Allah nu ngabela urang. Geura nyaranyi ka kersa Allahna Yakub!

2(81-3) Sanggakeun lalaguan, tabeuh terebang, tabeuh kacapi jeung gambus sing genah.

3(81-4) Dina bulan anyar jeung bulan purnama, tiup tarompet urang pesta.

4(81-5) Hal eta geus jadi hukum di Israil, aturan ti Allahna Yakub.

5(81-6) Ku Mantenna diparentahkeun ka umat Israil, mangsa Mantenna narajang tanah Mesir. Kaula ngadenge hiji soara kieu,

6(81-7) "Kami geus ngangkat muatan tina tonggong maraneh, maraneh moal manggulan deui bata.

7(81-8) Upama meunang kasukeran, sambat Kami, tangtu dijait, ku Kami tangtu dijawab ti jero guntur panyumputan Kami. Maraneh ku Kami didoja di cinyusu di Meriba.

8(81-9) Regepkeun, he umat Kami, Kami rek mepelingan, he Israil, cik masing narurut ka Kami!

9(81-10) Maraneh ulah nyembah ka ilah sejen.

10(81-11) Nya Kami, PANGERAN, Allah maraneh, anu ngabudalkeun maraneh ti Mesir. Geura caralangap, ku Kami rek dihuapan.

11(81-12) Tapi umat Kami teu daek ngadenge, Israil teu nurut ka Kami.

12(81-13) Anu matak ku Kami dihajakeun sina neugtreug, dijujur kuma karepna.

13(81-14) Kacida Kami ngaharepna maranehna daraek ngagugu ka Kami, kacida Kami hayangna maranehna narurut!

14(81-15) Tangtu musuhna ku Kami gancang-gancang ditalukkeun, sarta lawan-lawanna dielehkeun.

15(81-16) Anu arijideun ka Kami tangtu mendek hareupeun Kami, galimireun. Baris dihukum saendeng-endeng.

16(81-17) Ari maraneh mah tangtu ku Kami dibere dahar gandum nu panghadena, sarta diseubeuhan ku madu leuweung."



Studi Alkitab dengan AI: Chat dengan Alkitab GPT.

Studi lengkap, silahkan lihat: Alkitab SABDA.
Dengar dan baca Alkitab Karaoke, silahkan kunjungi: Alkitab Karaoke.
Rencana Multimedia Baca Alkitab: BaDeNo.

 <<  Mazmur 81 >> 


Bahan Renungan: SH - RH - ROC
Download
Alkitab ANDROID
Kamus Alkitab
Kamus Bahasa
Kidung Keesaan
Kidung Jemaat
Nyanyikanlah Kidung Baru
Pelengkap Kidung Jemaat
Alkitab.mobi
Copyright
Alkitab.SABDA.org
Android.SABDA.org
SABDA.APP
BaDeNo
Alkitab GPT
Bantuan
Dual Panel Dual Panel