Alkitab Mobile SABDA
[VER] : [TAA]     [PL]  [PB] 
 <<  Yohanes 17 >> 

1Wali ojo karoonya i Yesu manganto’o gombo etu, Ia mangalo’aka nto’u yangi pei makaikai resi i Pue Allah, to’oNya, “Pa’a, ratamo temponya Aku damangarata kasesa panewa damate yau. Wali Kuporapika resi Komi see Komi mampaponsanika tau mangkonong Aku see sira damangansani Aku to AnaMu masipato rapakabae. Apa ane ewa see, yako palaong to mawali resi Aku see naka tau damanasa masipato seja Komi rapakabae.

2Apa Komi roomo mangawaika Aku kuasa damangkuasang samparia to lino, see Aku maya mangawaika katuwu to singkasaenya resi samparia sira to Komi mansarumakaka resi Aku.

3Wali batuanginya katuwu to singkasaenya, batuanginya etu semo tau maya mangansani Komi. Apa Komi semo i Pue Allah to monso pasi to samba’aja. Pasi katuwu to singkasaenya etu, batuanginya seja sira maya mangansani i sema kamonsonya Aku. Apa Aku semo i Yesu Kerisitu, to nupokau ngKomi.

4Wali ri lino si’i Aku sangkani mampolaika songka ngKomi pei mampakaroo palaong to nuwaika ngKomi Aku mangika. Wali yako palaong to inikangKu etu, Aku roomo mampakabae Komi.

5Wali kuporapika resi Komi, Pa’a, see tempo Aku rata muni ri tango ngKomi, Komi damampakabae muni Aku sewaju ewa Aku rapakabae tempo ruyu, tempo lino si’i tawa rapapowali.” Etu semo pokai-kai i Yesu mampokaika koroNya.

6Wali ojo karoonya i Yesu mampokaika koroNya, Ia mampokaika wo’u kami to anaguruNya. Ia manganto’o, “Re’e tau to nupilis ngKomi yako ri oyo nto lino, tau etu Komi roomo mansarumakaka resi Aku. Wali tau to etu Aku roomo mampaponsanika mangkonong Komi. Tau etu uyunya Komi puenya, pei Komi roomo mansarumakaka sira resi Aku. Wali sira re’e mampalaika tuntuMu.

7Pasi tempo si’i sira manasanya samparia anu to nuwaika ngKomi Aku. Sira mangansani anu to etu monso pu’u yako resi Komi semo.

8Apa Aku roomo mamporata resi sira gombo to nuto’oka ngKomi Aku, pasi sira mampodongeka kojomo gombo etu. Wali sira manasanya monso pu’u Aku ma’i yako resi Komi, pasi sira mangaya Komi semo to nampokau Aku.

9“Wali Aku mampokai-kaika anagurungKu si’i. Si’a to lino to taa mangaya to Kupokai-kaika, pei kasimbalinya yako etu Aku mampokai-kaika tau to Komi roomo mansarumakaka resi Aku semo apa sira Komi puenya.

10Wali samparia tau to Aku puenya, Komi seja puenya. Pasi samparia tau to Komi puenya, Aku seja puenya. Pasi apa saba lengko ngkatuwu nsira see naka tau to yusa mangansani Aku masipato rapakabae.

11Wali si’i-si’i Aku dayau muni resi Komi, wali Aku tamo damaroo ri lino si’i. Pei tau to Komi mansarumakaka resi Aku etu, sira tiroowa damaroo ri lino si’i. Wali Pa’a anu to Mapasing, Kuporapika resi Komi see Komi damangararamaka sira mangampake kuasa ngKomi. Kuasa etu semo kuasa to nuwaika seja ngKomi Aku. Wali raramaka sira see sira samba’a pampobuuka sewaju ewa Kita samba’a pampobuuka.

12Tempo Aku tiroowa siwaka pei sira, tempo etu Aku semo to mangararamaka sira mangampake kuasa to nuwaika ngKomi Aku. Wali sira to Aku mangararamaka etu, tare to rapakaja’aka yau kasimbalinya yako samba’a tau to taa maya taa darapakaja’aka yau. Wali palaong etu mangabanang gombo to ratulis ri raya ntuntu ngKomi.

13Wali tempo si’i Aku dayaumo resi Komi. Pei ri katawanya Aku yau, tempo Aku tiroowa re’e ri lino si’i, Aku manganto’o pokai-kai si’i ri tango nu anagurungKu si’i to Komi roomo mansarumakaka resi Aku etu see sira maya mangandonge. Naka pei Aku mangika ewa wetu see sira damangarata seja kandende ndaya to bae kojo sewaju ewa kandende ndaya to re’e resi Aku.

14Wali Aku room mamporata resi sira gombo ngKomi, see naka to lino to taa mangaya maja’a nakita sira. Apa to lino to mangaya, sira taa samba’a pampobuuka pei to lino to taa mangaya, sewaju ewa Aku taa samba’a pampobuuka pei to lino to taa mangaya.

15Wali Aku makai-kai resi Komi si’a marapi see Komi damangkeni yau sira yako ri lino si’i. Aku ojo marapi see Komi damangararamaka sira naka ne’e sira dananangi i maja’a, etu semo i Kepala nto pantipu.

16Monso pu’u sira taa samba’a pampobuuka pei to lino to taa mangaya, sewaju ewa Aku taa samba’a pampobuuka pei to lino to taa mangaya.

17Wali Pa’angKu, pake tuntuMu mangampotundeka sira apa tuntuMu etu, etu semo anu to monso. Wali ane sira rapotundeka anu to monso etu, sira damawali tau to rani mampolaika songka ngKomi.

18Apa ewa wimba naika ngKomi nampokau Aku ma’i mangika palaongiMu ri lino, ewa see seja Aku mampokau sira mangika palaongiMu ri lino.

19Wali Aku rani mangansawang sira, see naka Aku damangawaika korongKu damangkapateka sira. Aku mangika ewa wetu see sira maya seja mawali tau to rani mampolaika tuntu ngKomi anu to monso.” Wali etu semo gombo i Yesu mampokai-kaika anaguruNya.

20Wali i Yesu mampakapolas pokai-kaiNya, Ia manganto’o wo’u, “Wali si’a ojo anagurungKu etu to Aku mampokaika. Aku mampokaika seja samparia tau to damangaya Aku ri tempo to darata saba yako kareba to nakeni nu anagurungKu etu.

21Aku makai-kai resi Komi, Pa’a, see tau to damangaya etu, sira samparia damawali samba’a pampobuuka nsira sewaju ewa Kita. Apa Komi samba’a pei Aku, pasi Aku samba’a pei Komi. Wali Aku makai-kai see sira mawali samba’a pampobuuka pei Kita. Etu semo pokai-kaingKu, apa ane sira samba’a pampobuuka pei Kita, to lino to taa mangaya, sira damangansani monso pu’u Komi semo to nampokau Aku.

22“Wali tau to mangaya Aku, Aku mampakabae sira sewaju ewa naika ngKomi mampakabae Aku. Naka pei Aku mampakabae sira, see sira dasamba’a pampobuuka sewaju ewa Kita samba’a pampobuuka.

23Batuanginya mawali samba’a pampobuuka, etu semo, Aku maroo ri raya nsira, pasi Komi maroo ri rayangKu, wali ane ewa see, sira maya samba’a kojo pampobuuka nsira. Pasi ane sira samba’a pampobuuka, ane ewa see, to lino to taa mangaya damangkita kasingkatao nsira etu panewa tau to taa mangaya etu damangansani Komi semo to nampokau Aku. Pasi sira damangansani Komi mamporayang tau to mangaya Aku, pasi pamporayang ngKomi resi tau to mangaya etu sewaju ewa pamporayang ngKomi resi Aku.

24“Wali Pa’angKu, ane mangkonong tau to nusarumakaka ngKomi resi Aku, Aku rani sira siwaka pei Aku ri tampa daKukaroo. Aku rani ewa wetu see sira maya damangkita angga pasi kayawa to nawaika ngKomi Aku re’e katawanya lino rapapowali. Naka pei Komi mangawaika Aku angga pasi kayawa etu apa saba Komi mamporayang Aku.

25“O Pa’a, Komi to sangkani mangika ewa wimba to masipato raika, Aku manganto’o resi Komi mangkonong to lino to taa mangaya, sira taa mangansani i sema kamonsonya Komi. Pei nempo ewa see, Aku mangansani Komi. Pasi anagurungKu seja mangansanika Komi semo to nampokau Aku.

26Aku room mampaponsanika resi sira i sema kamonsonya Komi, pasi Aku tiroo damampaponsanika wo’u sira mangkonong Komi. Naka pei Aku damangika ewa wetu see sira damamporayang sa’e sewaju ewa Komi mamporayang Aku. Pasi Aku damampaponsanika wo’u sira mangkonong Komi see Aku maya maroo ri raya nsira.” Wali ewa wetu naika i Yesu mampokai-kaika tau to mangaya.


  Share Facebook  |  Share Twitter

Download Audio MP3 (Yohanes 17):
Mobile (Low Quality) - CD (High Quality)

 <<  Yohanes 17 >> 


Bahan Renungan: SH - RH - ROC
Download
Alkitab ANDROID
Kamus Alkitab
Kamus Bahasa
Kidung Jemaat
Nyanyikanlah Kidung Baru
Pelengkap Kidung Jemaat
Alkitab.mobi
Copyright
Alkitab.SABDA.org
Android.SABDA.org
SABDA.APP
BaDeNo
Bantuan
Dual Panel Dual Panel