Alkitab Mobile SABDA
[VER] : [TOBA]     [PL]  [PB] 
 <<  Ibrani 8 >> 

I. Sumurung do hamalimon di padan na imbaru asa di padan na robi, dihatindangkon panurirang Jeremia 1-13

1(I.) Asa on do na rumingkot di hata on: Adong do di hita sintua ni malim, na hundul di siamun ni habangsa Hatongamon na di banua ginjang i,

2siradoti angka ulaon na badia ro di joro na tutu i, naung dipauli Tuhan i, ndada jolma.

3Ai ganup sintua ni malim dipabangkit do, asa dipelehon silehonlehon dohot pelean; asa ingkon adong nang di Ibana sipelehononna.

4Aut sura di tano on Ibana, ndang suraon malim Ibana, ala adong do na mamelehon angka silehonlehon mangihuthon patik i.

5Diradoti nasida do tiruan dohot halinu ni na di banua ginjang i, songon na dapotan poda si Musa sian ginjang, uju naeng paulionna joro i: "Bereng ma, ninna, ‘asa paulionmu saluhutna i tudos tu tiruan, naung di patuduhon tu ho di dolok i!’"

6Alai dapot Ibana do tohonan na sumurung nuaeng, ai Pangulu do Ibana di parpadanan na sumurung, na niaturhonna marojahan di bagabaga na dumenggan.

7Ai aut so hasurahan na parjolo i, ndang tagamon luluanna hasiatan ni na paduahon on.

8Ai dihata do nasida, di na nidokna i: "Na ro ma angka ari, ninna Tuhan i, pajongjongonku ma disi padan na imbaru tu pinompar ni Israel dohot Juda!"

9"Ndada suman tu padan na hupajongjong di angka amanasida, manogihon nasida ruar sian tano Misir; ai so mian nasida di bagasan parpadananki; nang Ahu pe, ndang hupasarisari nasida, ninna Tuhan i."

10"Ai on do padan na naeng pajongjongonku tu pinompar ni Israel, dung salpu angka ari i, ninna Tuhan i: Lehononku do angka patikku tu bagasan rohanasida jala tu ateatenasida surathononku i; dung i gabe Debatanasida ma Ahu, jala nasida gabe bangsongku."

11"Jala ndang pola be diajari halak donganna sabangso manang hahaanggina pe, mandok: Tanda ma Tuhan i! Ai tandaonnasida luhutna do Ahu, angka na metmet nang angka na magodang pe."

12"Ai marpamuati do rohangku mida hageduhonnasida, jala na so tupa be ingotonku angka dosanasida."

13Di na tinaringotanna na imbaru i, dipaburukburuk ma na jumolo i. Alai na laho salpu ma nasa naung gabe buruk jala matua.


  Share Facebook  |  Share Twitter

 <<  Ibrani 8 >> 


Bahan Renungan: SH - RH - ROC
Download
Alkitab ANDROID
Kamus Alkitab
Kamus Bahasa
Kidung Jemaat
Nyanyikanlah Kidung Baru
Pelengkap Kidung Jemaat
Alkitab.mobi
Copyright
Alkitab.SABDA.org
Android.SABDA.org
SABDA.APP
BaDeNo
Bantuan
Dual Panel Dual Panel