Alkitab Mobile SABDA
[VER] : [TORAJA]     [PL]  [PB] 
 <<  Mazmur 125 >> 

Puang Matua la urrinding pala’ to Israel dio mai to salian lembang, minda-minda ungkanappa’i tu PUANG

1Nanian Hamaa’lot. Iatu mintu’ to umposande’ PUANG, sitinti buntu Sion, tang tibendon, sangadinna bantang sae lakona.

2Susi mintu’ buntu untikui Yerusalem, susi dukamoto tu PUANG ungkulambu taunNa, randuk totemo landa’ sae lakona.

3Belanna iatu tekken kapayunganna mintu’ to tang mekaaluk tae’ anna la masae lako dio lu to’ kataananna mintu’ to malambu’, kumua da anna kaka’i to malambu’ tu kakadakean.

4O PUANG, sangapaoi amMi patiroi melo tu mintu’ to melo penaanna, sia lako to ma’bulo lollong.

5Apa mintu’ to sepang lako lalan kelokna, la Naroto’i nasang PUANG sibaa mintu’ to umpogau’ kakadakean. Sangapaoi anna rampoi kamarampasan to tu Israel!


  Share Facebook  |  Share Twitter

 <<  Mazmur 125 >> 


Bahan Renungan: SH - RH - ROC
Download
Alkitab ANDROID
Kamus Alkitab
Kamus Bahasa
Kidung Jemaat
Nyanyikanlah Kidung Baru
Pelengkap Kidung Jemaat
Alkitab.mobi
Copyright
© 2010-2022
Alkitab.SABDA.org

Android.SABDA.org
SABDA.mobi
Bantuan
Dual Panel

Laporan Masalah/Saran