Alkitab Mobile SABDA
[VER] : [TORAJA]     [PL]  [PB] 
 <<  Mazmur 144 >> 

Passambayang sangapaoi anna rampo lako to Israel tu allo kamauparan

1Pa’pudianna Daud. Mintu’ kadipudian lu lako nasang PUANG, buntu batungku, tu umpopa’biasa limangku parari, sia umpopa’biasa rangka’ku umbua’ mataran.

2Iamo kamasokanangku sia tambakukungku, sia bentengku na patunduangku, sia balulang toto’ku, sia pentilindungangku, sia tu umpatundukanna’ ba’tu pira-pira bangsa.

3O PUANG, apa toda ia tu tolino, amMi pokariangananri? Sia iatu ma’rupa tau, amMi saileri?

4Iatu to lino ten to damo’, sia iatu sunga’na butung bayo-bayo pa’de poton.

5O PUANG, palempei tu langi’Mi, amMi songlo’, tumbui tu mai buntu, anna merambu.

6Popellepa’i tu kila’Mi, amMi pasisarak-sarakki tu tau iato mai, palaoi tu tinaramMi, amMi patisambo’-sambo’i.

7Popengkorongi tu limamMi dao mai masuanggana, lendokanna’ sia endekanna’ diong mai to’ uai buda, sia dio mai lisu pala’na to sae,

8tu tongka’ dililana ussa’bu’ mo’rang, sia iatu lima kananna lima bulituk.

9O Puang Matua, la kupenaniangKomi misa’ nanian ba’ru, sia la kupakendekangKomi pa’pudian kupasibarrung dandi sangpulo ritinna,

10Mati’ Kalemi, tu umben kapataloan mintu’ datu, sia urrampanan Daud, taumMi dio mai bassi mesabu’i.

11Lendokanna’ sia rampananna’ lan mai lisu pala’na to sae, tu tongka’ dililana ussa’bu’ mo’rang, sia iatu lima kananna lima bulituk.

12Sangapaoi tu mai anakta muane, ke mangurapi anna maloboran susi tananan, sia sangapaoi tu mai anakta baine anna susito batu petau dipa’ napomaramba’ tongkonan layuk.

13Sangapaoi anna buke tu mai alangta, ponno bura padang sanda umba’na, sia mintu’ patuoanta membati’ massa’bu’-sa’bu, ondongpi ma’lampa-lampa dio lu panglambaranta.

14Sangapaoi anna iatu sapinta la kianak rundun taun sia tang su’pik anakna, sia anna tae’ uali ullaoiki, sia ullo’do’ki’ sia tae’ kamarukkan dirangi lan lu tutu lalanta.

15Maupa’ tu bangsa ten to tu a’ganna, sia maupa’ tu bangsa umpoKapenomban PUANG!


  Share Facebook  |  Share Twitter

Studi lengkap, silahkan lihat: Alkitab SABDA.
Dengar dan baca Alkitab Karaoke, silahkan kunjungi: Alkitab Karaoke.
Rencana Multimedia Baca Alkitab: BaDeNo.
Studi Alkitab dengan AI: Alkitab GPT.

 <<  Mazmur 144 >> 


Bahan Renungan: SH - RH - ROC
Download
Alkitab ANDROID
Kamus Alkitab
Kamus Bahasa
Kidung Jemaat
Nyanyikanlah Kidung Baru
Pelengkap Kidung Jemaat
Alkitab.mobi
Copyright
Alkitab.SABDA.org
Android.SABDA.org
SABDA.APP
BaDeNo
Alkitab GPT
Bantuan
Dual Panel Dual Panel