Dual PanelRaja si la bujur idabuhken
1Talangilah pintunndu, o Libanon, maka ipan api kayu asisndu.
2Tangis ras ngandunglah, o kayu eru, sabap kayu-kayu asis si mbelin e nggo ikernepken. Tangis ras ngandunglah, o kayu jati Basan, sabap kerangen tua e nggo radas.
3Peminpin-peminpin nderkuh kerina, sabap nggo bene kemulianna. Begikenlah sora singa erdengum, sabap kerangen tua si jadi inganna. Si lit segedang-gedang Lau Jordan, nggo ikernepken.
Dua permakan
4Bagenda nina TUHAN Dibatangku, "Pekulah-kulahlah bandu jadi sekalak permakan nandangi sada rarasen biri-biri si nandangi igeleh.
5Empuna munuhi biri-birina tapi la ia iukum. Idayakenna dagingna janah nina, 'Pujilah TUHAN! Kita nggo bayak!' Subuk permakanna pe la erkuah ate man biri-biri e."
6(Nina TUHAN, "Ise pe lanai ateKu mekuah i doni. Aku jine me si namaken manusia ku teruh kuasa raja-rajana. Raja-raja ngeradasken doni, janah la Kukelini doni i bas kuasana nari.")
7Perbinaga biri-biri e ngupahi aku, jenari aku nggo jadi permakan biri-biri si nandangi igeleh e. Kubuat dua ciken, sada kugelari ciken "Ngena ate" dingen sada nari "Persadan". Emaka kuarak-arak me biri-biri e.
8La aku sabar ngidah permakan si deban si telu nari si ersegat ate man bangKu, emaka Kubenterken ia kerina i bas sada bulan saja.
9Kenca bage kukataken man rarasen biri-biri e, "Aku lanai jadi permakanndu. Si mate atena, matelah; si bene, benelah. Si tading denga sibunuh-bunuhen ia sapih-sapih ia."
10Kenca bage kubuat ciken si gelarna "Ngena ate" ndai jenari kupenggelken. Alu bage isasapken me perpadanen si nggo ibahan TUHAN ras kerina bangsa-bangsa.
11Dage perpadanen e nggo isasapken i bas wari e. Perbinaga biri-biri e mperdiateken aku, janah ietehna maka TUHAN nggo ngerana arah kai si nggo kulakoken.
12Ningku man bana, "Adi nggit kam, berekenlah upahku. Tapi adi la kam nggit, la padah." Emaka igalarina upahku telu puluh duit pirak.
13Nina TUHAN man bangku, "Tamaken duit e ku bas peti perbendaharan Rumah Pertoton." Emaka kubuat duit pirak si telu puluh upah si iakapna nggo seh kal galangna adi man bangku, jenari kutamaken ku bas peti perbendaharaan Rumah Pertoton.
14Kenca bage kupenggelken ciken si peduaken, eme ciken "Persadan," emaka persadan Juda ras Israel nggo peltep.
15Kenca bage nina TUHAN man bangku, "Pekulah-kulah bandu sekali nari jadi permakan si la terpake.
16Nggo Kusuruh sekalak permakan mpermakani rarasenku, tapi la isampatina biri-biri si nandangi mate. Biri-biri si bene pe la idaramina, si luka la itambarina, janah si la kena kai pe la iberena gagaten. Tapi daging biri-biri si mbur ipanganina, janah cekilina icaingkenna.
17Cilaka me permakan si la terpake e! Sabap nggo itadingkenna rarasenna. Nandangi ikernepken perang me kuasana. Tanna nggo mate, janah matana si kemuhen nggo pentang."