Hatuaon ni angka na marhaposan tu Jahowa 1-5
1Ende hananangkok. Angka na marhaposan tu Jahowa, songon dolok Sion do nasida, ndang tagamon humordit, hot do tahe ro di salelenglelengna.
2Angka dolok do ia humaliang Jerusalem, Jahowa do ianggo humaliang bangsona olat ni on ro di salelenglelengna.
3Ai ndang tagamon tong mandondon tungkot harajaon ni hajahaton di atas parjambaran ni angka partigor, asa unang laho tangan ni angka partigor i tu hageduhon.
4Sai bahen ma na denggan, ale Jahowa, tu angka na denggan roha i dohot tu angka sisangunjur marroha di bagasan.
5Alai anggo angka na manimbil tu dalannasida sandiri, angka na geduk i, sai na togihonon ni Jahowa do nasida rap dohot angka siula hajahaton. Dame ma songgop ianggo tu Israel!