Alkitab Mobile SABDA
[VER] : [ABUN]     [PL]  [PB] 
 <<  2 Tesalonika 2 >> 

1Men bi nji, men bi nyanggon, ré yo, men krom sukdu subot kam gato men bi Yekwesu Yesus Kristus satu ma mo bur ré, ete men si An kem sino. Men krom sukdu ré rer subere nin jam. Men ki suknapa wa nin sino sare do,

2nin jam ye yo ki do, men bi Yekwesu Yefun Yesus satu ma mo bur ré it yo, nin gensu sukdu sane nde, nin kwabom kro mo sukdu sane nde. Kapre ye yo ki do, Yefun Allah Gen kadum nai án do, Yefun Yesus ma it yo, nin jambot sukdu sane nde. Kapre ye yo o ki do án jam sukdu do, Yefun Yesus satu ma mó re yo, nin jambot sukdu sane nde. Kapre ye yo o ki nai nin do, men krom sukdu mo surat dik yo do, Yefun Yesus satu ma mo bur ré, an jam mó re yo, nin jambot sukdu sane dom nde.

3Ye gato ma ki bi sukdu-i sane ben kidar nin kone. Nin jambot sukdu sane nde. We sare, Yefun Yesus yo satu ma mo bur ré nde tó, bere suk bok yo bor nyim wé re, sare do, bere yé mwa bariwa jammo Yefun bi sukduno-i o re, ete yetu ge dik yo gato Mise bere bor mone dom. Yetu gato Mise gare, bere ri ma Yefun Yesus bare mo bot gesyos.

4Sarewo Yefun yo bare ye gato Mise ne mo bot gesyos nde tó, ye gato Mise ne bes nggwa kok ete duwer Yefun Allah mo suk mwa neya. Bere ye Mise ne ki do, an sa, gum kok sye wai kadit suk mwa gato yetu mo bur ré som tepsu Yefun Allah ne. Ye ne bes an nggwa kok, sane anato bere an sok mo Yefun Allah bi nu mit. Bere an kem mone, ete an ki do, an anato Yefun Allah.

5Nin napawa tomgato ji si nin kem mone, sukdu mwa ne, ji ki napyo nai nin jam mó re.

6Su ré nin dakai jam suk gato yawa yetu gato Mise ne anato an yo bor nde tó. Suk yo yawa an yei, subere an bor tepsu bi kam-i gato Yefun Allah dakai fro ne et.

7Su ré suktinggi gato bere bor mo ye Mise ne da kas mó re. Suktinggi ne ben nje bariwa jammo Yefun Allah bi sukdu. Suktinggi ne da kas, sarewo yé jam nde re, we suktinggi ne yo bor ri nde tó. Suk yo yawa ye Mise ne yei, subere an yo bor nde sane sor Yefun Allah nai suk ne wé,

8ete bere yetu gato Mise ne bor it anane. Sane men bi Yekwesu Yefun Yesus satu ma mo bur ré yo, bere Yefun gu yetu gato Mise ne. Yefun Yesus ki bi sukdu-i pet mo yetu gato Mise ne sor re, bere yetu gato Mise ne kwop it anane. Yefun Yesus satu ma, An tepsu yepasye gato gum kok sye wai it yo, bere An ben ye Mise ne ibit o re.

9Yefun Yesus yo ben an ibit nde tó, yetu gato Mise ne ma su suktinggi kadit biris bi yekwesu. Sane bere an ben an bi suk-i yo, an ben kidar nje do, an ben nje yeket e, an ben suk gato ben nje nutbot ndo nde, an kadum an bi suktinggi ne, sarewo suk gato sangge yo mo nde, an ben kidar nje kaii.

10An ben kidar nje su suk gato mise ket kwayo-kwayo. An ben kidar nje subere an gwat yé gato bere Yefun Allah bare mo bot gesyos ne muket os ibit. Yé mwa ne bere ges mo bot gesyos, we yé mwa ne bariwa án jammo Yefun Allah bi sukdu-i gato sangge. Sane bere Yefun Allah yo nai yé mwa ne wé kadit bot gesyos nde, án yo ku os wa kem ndo to kapyo mato kapyo nde.

11Sane anato Yefun Allah ben án bi sukjimnut waiyu ndo nde sane sor án jam nde suk subere án onyar kem mo sukkidar sor re.

12Sane ye gato iwa ben sukibit ete bariwa jammo suk gato sangge ne, bere Yefun Allah syo sukye nai án sino mo bot gesyos o re.

13Men bi nji, men bi nyanggon gato Yefun Yesus jimnotku, Yefun Allah fro nin su ketke subere nin kem ndo to kapyo mato kapyo mo Yefun Allah bi nat-i. Sane men ki ndo mo Yefun noru nombrak sor. Yefun Allah Gen kak nin bi sukjimnut anato nin jambot Yefun Allah bi sukdu gato sangge. Yefun Allah Gen kak nin bi sukjimnut anato nin brek kadit os ibit, ete nin tepsu Yefun Allah bi rus-i gato ben Yefun bi suk-i petok sor. Sane anato nin kem ndo to kapyo mato kapyo it anare.

14Men ba ku nin, ete men ki sukdu subot os ndo gato Yesus Kristus kak ne. Nin jammo sukdu ne anato nin kem ndo to kapyo mato kapyo. Sane mo sukdu gato men ki ne ben sato Yefun Allah kendo nin mone, subere nin si men sino ku suk gato ndo wai mo Yefun Allah bi nat-i tepsu men bi Yekwesu Yesus Kristus ku suk gato ndo wai mone.

15Sane men bi nji, men bi nyanggon, nin misyar Yefun bi sukduno nde, wo nin grem sukduno gato men duno nin su ne pe mo nin mit sor. Sukduno ne, deyo men ki su men syokwet, deyo men krom, sane sukduno mwa ne sino, nin jom krat sor.

16Men bi Yekwesu Yesus Kristus, An dakai si men bi Ai, Yefun Allah gato bi sukjimnut sye kas subot men ne, Yefun dakai bi sukjimnut sye kas subot men anato An ós men kem ndo to kapyo mato kapyo. An kak men bi sukjimnut anato men kwabom kam mo An do, sangge, bere An ben sukndo su men sino.

17Mo sukndo mwa gato nin ben si nin ki ne sino, Yefun Allah si Yesus Kristus ete ben nin nggi. Yefun Allah si Yesus Kristus ete ben nin mit iwa nin ben An bi suk-i mo suk mwa ne sor.


  Share Facebook  |  Share Twitter

 <<  2 Tesalonika 2 >> 


Bahan Renungan: SH - RH - ROC
Download
Alkitab ANDROID
Kamus Alkitab
Kamus Bahasa
Kidung Jemaat
Nyanyikanlah Kidung Baru
Pelengkap Kidung Jemaat
Alkitab.mobi
Copyright
Alkitab.SABDA.org
Android.SABDA.org
SABDA.APP
BaDeNo
Bantuan
Dual Panel Dual Panel