Alkitab Mobile SABDA
[VER] : [ANGKOLA]     [PL]  [PB] 
 <<  Ibrani 1 >> 

1Madung jotjot jana marragam dalanna dibaen Debata laho mangkatai tu angka ompunta markite-hite angka panurirang.

2Tapi di hatiha na parpudi on madung mangkatai Ia tu hita markite-hite AnakNia, na dung ditontuhon do Ia gabe sipanean ni sasude na adong. Marhite Ia madung ditompa Debata hasiangan on.

3Ia do sinondang hasangapan ni Debata, jana Ia do gambaran ni Debata sandiri dohot na mangasahon sasude markite-hite hataNia na gok kuaso. Dung sidung dipaias Ia jolma sian angka dosa ni halahi, juguk ma Ia di siamun ni Na Sun Margogo i di banua ginjang.

4Dao dope gumincat hasangapan na nijagit ni Anak i sian surusuruan, harana goar na nilehen ni Debata pe tuSia dao do sumangap ulang pado goar na nilehen tu surusuruan.

5Na so jungada do didok Debata tu sada surusuruan, "AnakKu do Ho; Sadari on ma Au gabe AmangMu." Na so jungada muse do didok Debata songon on sanga na tu surusuruan dia pe, "Gabe AmangNia ma Au, jana Ia ma gabe AnakKu."

6Tapi di na nisuru ni Debata AnakNia siangkaan i tu portibi on, didok Ia do, "Sude surusuruan ni Debata angkon manyomba tuSia."

7Anggo taringot tu angka surusuruan, didok Debata songon on, "Dibaen Debata do angka surusuruanNia gabe alogo, jana angka pangoloiNia gabe jilam ni api."

8Hape anggo tu Anak i didok Debata do, "Ho do Debata, jana hot do salolot-lolotna hasangapanMu songon Raja! Pangarajaion na tigor do pangarajaionMu.

9Hatigoran do giot ni rohaMu jana magigi do Ho di na sala; i ma dalanna umbaen na nipili ni Debata Ho, i ma DebataMu jana dipasonang rohaMu dohot hasangapan na sumurung sian angka donganMu."

10Didok Debata dope, "Ho do Tuhan di mulana na manompa portibi, jana dohot tanganMu sandiri dijadihon Ho langit i.

11No giot salpu do sudena i, jana mumut songon pakean; tapi anggo Ho, mian do tongtong.

12LompitonMu ma hasiangan on songon pangalompit ni pakean, jana gontionMu ma i dohot na asing. Hape anggo Ho laing songon i do tongtong, jana umurMu pe nada marujung."

13Nada jungada didok Debata songon on tu angka surusuruanNia, "Juguk ma Ho di siamunKu, lopus Hubaen angka musuMu gabe si degean ni patMu."

14Antong, aha noma satutuna angka surusuruan ni Debata i? Angka tondi na mangoloi Debata do i jana na nisuru ni Debata laho mangurupi sanga ise halak na giot manjagit haluaan na nijanjihon ni Debata.



Studi Alkitab dengan AI: Chat dengan Alkitab GPT.

Studi lengkap, silahkan lihat: Alkitab SABDA.
Dengar dan baca Alkitab Karaoke, silahkan kunjungi: Alkitab Karaoke.
Rencana Multimedia Baca Alkitab: BaDeNo.

 <<  Ibrani 1 >> 


Bahan Renungan: SH - RH - ROC
Download
Alkitab ANDROID
Kamus Alkitab
Kamus Bahasa
Kidung Keesaan
Kidung Jemaat
Nyanyikanlah Kidung Baru
Pelengkap Kidung Jemaat
Alkitab.mobi
Copyright
Alkitab.SABDA.org
Android.SABDA.org
SABDA.APP
BaDeNo
Alkitab GPT
Bantuan
Dual Panel Dual Panel