Alkitab Mobile SABDA
[VER] : [ARALLE]     [PL]  [PB] 
 <<  2 Tesalonika 2 >> 

1Didiona kasuleanna Dehatantaa' Puang Yesus Kristus kapendoanna, anna didiona la dihimpungngingkea' sibaha Puang Yesus, kipalau mating, ingkämmua' solasohongki',

2anna dakoa' la maromi' malaya' anna kaängkä'-ängkä' inaha ke ahai kaheba ang dai tahpa' naoatee lambi'mi allo kasuleanna Dehata. Hapang ke ahai kaheba unghingngia' boheng ang sule yaho mai di Inaha Masero, bahtu'raka pa'tula'na tau, bahtu'raka unsangaa' kami' ungnguki'i yaling di suha'ki', dakoa' la pusa'.

3Moi la umba noa tula'na tau, daungngakuia' la nabulingngi. Aka' ahaete' kaha-kaha ang la dahi dolu mane sulei allo yatoo, sinnoanna: la mai'di tau umbali Dehata anna la aha kende' mesa tau karake ang si umbali pahentana Puang Alataala. Yato tau inang la natallangngi nei' Dehata.

4Yato tau karake la umbali ingkänna ang si napenombai hupatau anna la unsanga kalaena mayahoang puha nei' andana ingkänna yatoo. Setonganna la tamake'too di Dasang Ada'na Puang Alataala anna mohko'i yaling naoatee, "Kodi'mitoo Puang Alataala."

5Darangkaa' dio ungkalehai yato anna sibaha-bahakingkea' si kutula' loloingkoa' kaha-kaha yatoo?

6Anna dinoa ungnginsammia' aka ang ungkalapai yato tau karake nasuhung ungngempeike' yato tempo ang napama'tantu Puang Alataala mane kende'i.

7Aka' yato ang umbabe kakarakeang napahandu'mi umpake kakuasaanna, lambi' mai'di tau umpa'bali pahentana Puang Alataala, ampo' dake' tandaang yato kakuasaanna, aka' ahake' ang mangkalapai. Ampo' ponnato ke dialaing yato ang mangkalapai

8mane tandaangngi pole' yato tau karake. Anna la matei yatoo ke nahoang penanahanna Puang Yesus anna la pa'dai ke nahoang kamakähhänganna.

9Aka' ungngolai pengkähänganna Pongkahana setang yato to karake la sule sibaha kakuasaang ang käyyäng, lambi' umpadahi ma'kahupa-hupa tanda ang mepusa'-pusa' ang la umbulingngi hupatau. La umpake ingkänna hupanna kakarakeang la umbulitu' tau ang inang la ditallangngi aka' dai naaku umpehingngii anna dai ungkärä'i kaheba ang tahpa' didiona Puang Yesus ang la mala mepasalama'.

10(2:9)

11Dianto anna la napakende'ming Puang Alataala kakuasaang ang mambulingngi anna malai sika umpetahpa' kalosenganna yato to karake

12lambi' ingkänna ang dai umpetahpa' kaheba ang tahpa', ampo' nakärä'i puhane' ke madosai, la ditahungkung.

13Kisa'ding pahalluang ma'kuhhu'sumanga' lolo dai' di olona Puang Alataala aka' dioa', ingkämmu solasohongki' ang nakalemui Dehata, aka' mengkalaoke' uhu-uhuna anna napilleimokoa' la napasalama'. Napasalama'koa' ungngolai pengkähänganna Inaha Masero anna malakoa' masero ungngolai kapampetahpa'ammua' pano di kaheba ang tahpa'.

14Dianto pahtuyunna Puang Alataala anna natambaimokoa' ungngolai Kaheba Mapia ang puha kipakahebaiingkoa' anna mala toukoa' dio mangngala taha yaling di kamatandeanna Dehatanta Puang Yesus Kristus.

15Diantoo, ingkämmua' solasohongki', anna la tontong lolomokoa' yaling di kapampetahpa'ammu anna la untokei manahpakoa' kara pepaturu ang puha kipalambi'ingkoa', noa yatoo ang kitula'ingkoa', noa tunne' yato ang kiuki' yaling di suha'ki'.

16Ke la malai Dehatanta Puang Yesus Kristus sibaha Ambeta Puang Alataala umpamatoho loloa' inahammu anna napakatoto', lambi' mala mapia lolo, noa babemua', noa tula'mu. Diaetoo ang ungkalemuiingkea' anna umbeheingkea' pepakahanga sapano-panona anna memana' panghannuang ang mapia.

17(2:16)


  Share Facebook  |  Share Twitter

 <<  2 Tesalonika 2 >> 


Bahan Renungan: SH - RH - ROC
Download
Kamus Alkitab
Kamus Bahasa
Kidung Jemaat
Nyanyikanlah Kidung Baru
Pelengkap Kidung Jemaat
Alkitab.mobi
© 2010-2019
Alkitab.SABDA.org

Android.SABDA.org
SABDA.mobi
Bantuan
Dual Panel

Laporan Masalah/Saran