Dual Panel1Sane mangkin temboke sampun majujuk malih. Gapura-gapurane sampun kapasang ring genahnyane suang-suang, tur juru gebag Perhyangane, parajuru kidung miwah parawong Lewi sane tiosan sampun ngagem pakaryannyane.
2Tiang raris ngangkat anak kekalih buat mrentah kota Yerusaleme, inggih punika: nyaman tiange Hanani miwah Hananya sane dados komandan bentenge. Hananya punika anak sane kapiandel tur anak sane ajerih ring Ida Sang Hyang Widi Wasa saha tan wenten sane nyamenin.
3Tiang mrentahang sang kalih mangda sampunang mukak gapura-gapuran Yerusaleme kantos suryane sampun ngenter, tur ngubetang gapura-gapurane punika miwah masang palangnyane sadurung parapajagaane budal rikalaning surup surya. Tiang taler mrentahang sang kalih mangda ipun milih pajagaan-pajagaan saking rakyate sane magenah ring kota Yerusalem, tur ngenahang makudang-kudang saking pantaran ipune ring pos-pos pajagaane, tur sane tiosan mangda ngronda daerahnyane ring saileh umah-umahipune.
Dapta
4Kota Yerusalem punika ageng, nanging nentenja akeh jadmane sane magenah ring kotane punika, tur durung akeh umah-umah sane sampun kawangun.
5Ida Sang Hyang Widi Wasa ngwisikang ring manah tiange mangda tiang munduhang rakyate miwah parapamimpin lan prakanggennyane, tur nureksain daptar kulawargannyane. Tiang manggihin daptar jadmane sane riinan mawali saking paselongan, tur sapuniki catetan sane panggihin tiang.
6Akeh jadmane sane maselong ring wewidangan panegara Babele mawali ka Yerusalem miwah wewidangan Yehudane. Ipun pada mawali ka kotannyane suang-suang. Kulawarga-kulawargannyane magenah ring paselongan ring Babel, ngawit saking daweg Ida Sang Prabu Nebukadnesar makta ipun mrika dados tawanan.
7Parapamimpinnyane, inggih punika: Dane Serubabel, Yosua, Nehemia, Asarya, Raamya, Nahamani, Mordekai, Bilsan, Misperet, Bigwai, Nehum miwah Dane Baana.
8Ring sor puniki daptar palingsehan-palingsehan bangsa Israel miwah akeh jadmane sane mawali budal saking paselongan manut palingsehannyane suang-suang: Palingsehan Dane Paros, 2.172 diri. Palingsehan Dane Sepaca, 372 diri. Palingsehan Dane Arah, 652 diri. Palingsehan Dane Pahat-Moab (katurunan Dane Yesua miwah Dane Yoab), 2.818 diri. Palingsehan Dane Elam, 1.254 diri. Palingsehan Dane Satu, 845 diri. Palingsehan Dane Sakai, 760 diri. Palingsehan Dane Binui, 648 diri. Palingsehan Dane Bebai, 628 diri. Palingsehan Dane Asgad, 2.322 diri. Palingsehan Dane Adonikam, 667 diri. Palingsehan Dane Bigwai, 2.067 diri. Palingsehan Dane Adin, 655 diri. Palingsehan Dane Ater (taler kasambat Dane Hiskia), 98 diri. Palingsehan Dane Hasum, 328 diri. Palingsehan Dane Besai, 324 diri. Palingsehan Dane Harip, 112 diri. Palingsehan Dane Gibeon, 95 diri.
9(7:8)
10(7:8)
11(7:8)
12(7:8)
13(7:8)
14(7:8)
15(7:8)
16(7:8)
17(7:8)
18(7:8)
19(7:8)
20(7:8)
21(7:8)
22(7:8)
23(7:8)
24(7:8)
25(7:8)
26Rakyat sane leluurnyane magenah ring kota-kota sane ring sor puniki taler pada budal saking paselongan: Sane ring Betlehem miwah Netopa, 188 diri. Sane ring Anatot, 128 diri. Sane ring Bet-Asmawet, 42 diri. Sane ring Kiryat-Yearim, Kepira miwah Beerot, 743 diri. Sane ring Rama miwah Gaba, 621 diri. Sane ring Mikmas, 122 diri. Sane ring Betel miwah Ai, 123 diri. Sane ring Nebo sane tiosan, 52 diri. Sane ring Elam sane tiosan, 1.254 diri. Sane ring Harim, 320 diri. Sane ring Yeriko, 345 diri. Sane ring Lod, Hadid miwah Ono, 721 diri. Sane ring Senaa, 3.930 diri.
27(7:26)
28(7:26)
29(7:26)
30(7:26)
31(7:26)
32(7:26)
33(7:26)
34(7:26)
35(7:26)
36(7:26)
37(7:26)
38(7:26)
39Puniki palingsehan parapanditane sane mawali budal saking paselongan: Palingsehan Dane Yedaya (katurunan Dane Yesua), 973 diri. Palingsehan Dane Imer, 1.052 diri. Palingsehan Dane Pasur, 1.247 diri. Palingsehan Dane Harim, 1.017 diri.
40(7:39)
41(7:39)
42(7:39)
43Palingsehan wong Lewi sane mawali saking paselongan inggih punika: Palingsehan Dane Yesua miwah Dane Kadmiel (katurunan Dane Hodawia), 74 diri. Juru kidung Perhyangan Agunge (inggih punika katurunan Dane Asap), 148 diri. Parajuru gebag Perhyangan Agunge (inggih punika katurunan Dane Salum, Ater, Talmon, Akub, Hatita miwah Dane Sobai), 138 diri.
44(7:43)
45(7:43)
46Palingsehan-palingsehan parapangayah Perhyangan Agunge sane mawali saking paselongan inggih punika: Palingsehan Dane Siha, Hasupa, Tabaot, palingsehan Dane Keros, Sia, Padon, palingsehan Dane Lebana, Hagaba, Salmai, palingsehan Dane Hanan, Gidel, Gahar, palingsehan Dane Reaya, Resin, Nekoda, palingsehan Dane Gasam, Usa, Paseah, palingsehan Dane Besai, Meunim, Nepusim, palingsehan Dane Bakbuk, Hakupa, Harhur, palingsehan Dane Baslit, Mehida, Harsa, palingsehan Dane Barkos, Sisera, Temah, palingsehan Dane Nesiah miwah Hatipa.
47(7:46)
48(7:46)
49(7:46)
50(7:46)
51(7:46)
52(7:46)
53(7:46)
54(7:46)
55(7:46)
56(7:46)
57Palingsehan-palingsehan paraparekan Sang Prabu Salomo sane mawali budal saking paselongan, inggih punika: palingsehan Sotai, Soperet, Perida, Yaala, Darkon, Gidel, Sepaca, Hatil, Pokeret-Hasebaim miwah Amon.
58(7:57)
59(7:57)
60Gebogan parakaturunan pangayah Perhyangan Agunge miwah katurunan paraparekan Sang Prabu Salomo sane mawali budal saking paselongan wenten 392 diri.
61Palingsehan Dane Delaya, Tobia, Nekoda sane mawali saking kota Tel-Melah, Tel-Harsa, Kerub, Adon miwah Imer, wenten sareng 642 diri, nanging ipun tan mrasidayang muktiang dewekipune mungguing ipun katurunan bangsa Israel.
62(7:61)
63Wenten taler makudang-kudang palingsehan parapandita sane nenten kapanggih daptar leluurnyane inggih punika: palingsehan Dane Habaya, Dane Hakos, Dane Barsilai (leluur palingsehan Dane Barsilai ngambil rabi saking palingsehan matuan danene). Santukan dane nenten mrasidayang muktiang sapasira sane dados leluur danene, kenginan dane nenten kalugra dados pandita.
64(7:63)
65Gubernur Yehudane ngandikain dane, mungguing sadurung wenten pandita sane midep nganggen Urim miwah Tumim, dane tan kalugra ngajengang aturan sane katur ring Ida Sang Hyang Widi Wasa.
66Gebogan anake makasami sane mawali saking paselongan, wenten 42.360 diri. Parapanjaknyane luh miwah muani, 7.337 diri. Juru kidung luh muani, 245 diri. Kuda, 736 ukud. Bagal, 245 ukud. Unta, 435 ukud. Keledae, 6.720 ukud.
67(7:66)
68(7:66)
69(7:66)
70Akeh pisan rakyate sane ngamedalang sumbangan buat ngwangun malih Perhyangan Agunge, luiripun: sang gubernur, mas 8 kilogram, bokor buat upacara 50, baju jubah buat parapanditane 530 bidang. Parapamimpin palingsehane: mas 168 kilogram, perak 1.250 kilogram. Rakyate sane tiosan: mas 168 kilogram, perak 140 kilogram, baju jubah buat parapanditane 67 bidang.
71(7:70)
72(7:70)
73Parapandita, parawong Lewi, parapajagaan Perhyangan Agunge, parajuru kidung, makudang-kudang rakyat biasa, pangayah Perhyangan Agung, rakyat Israel makasami pada magenah ring desa-desa miwah kota-kota Yehudane.