1Eḇedari mkosawen ḇarḇor ḇeḇor kam, ankarkar ḇeḇor kam ma roi ḇeḇyeḇa kam, kram masasor ma anonef.
2Ma mkomnis wombrek ḇeaḇen babo, ḇemarisen ḇeyinem sus ro Rur ḇekaku, insa mkosur ma mkosma askiya.
3Rofyor mkoḇaḇir Manseren ḇaḇye ḇyedi kaku ḇeri.
4Ma mkora faro Manseren, karui ḇekenem ani, snonkakusya sisawen i, ḇape Allah kyinfir i imnis karui ḇeḇemaeja.
5Ma mko kako mkomnis karui ḇekenem faro ḇaḇawes rum rur oso, imnis imam-imam ḇesren, faḇeḇuk farsarser rur, snar Yesus Kristus ḇeḇuk marisen faro Allah.
6Snar sfas ro Refo radine: "Kaku ḇeri, yarir karui ḇekinfir oso ro Sion, karui dopir ḇekakur oso, ma mansei ḇekyar faroi, nari sifrur mamyai i ḇa."
7Eḇedari faro ḇekyar mkoya, karui dopir ani kyakur, boi faro ḇekyar basya: "Karui kamasan ḇaḇawessya sisawen kwar, ḇyekarui dopir kwar ma ḇyekarui karkar kako kwar ma karui warki oso."
8Siwarki snar sikyar Allah wos ḇyena ḇa; rarirya Allah fyasna kwar faro si.
9Ḇape mko kada er ḇekinfir, imnis imam ḇeḇewairek, er ḇesren; Allah kawasa mankundi ḇyesi, insa mkoḇaryas Allah fararur ḇeba ḇyena, ḇeyor mko kwar famkosasyarbur pampanya faro isnai ḇyedi ḇedameserya:
10Mko, Allah kawasa ḇyesi ro randakya ḇa, ḇape knikine, mko ḇekawasa ḇyesi kwar mko ḇeḇeswar ro randakya ḇa ḇape knikine mkosma saswar saneso kwar.
11Naek srar yaswar kaku! Yaḇuk swarepen faro mko mkomnis mandaman ḇeḇeryar ro supswan ine, mkoso awer rmomen-nafsu ro snonkaku ḇefamfaḇri ḇesampum rurya.
12Kankenem mkoḇena naḇye rofandu er-er ḇeḇe Yahudiḇasya, insa rofyor sonef mko imnis snonkaku ḇeḇarḇor, nari smam fararur ḇeḇye mkoḇena ma sisandik Allah ro ras raramuma ḇyedi.
13Kuker snonsnon Manseren, mkokunem faro snonkaku ḇesma papoiksya; iḇye faro Kaisar ḇesma papoik ḇekakiya,
14iḇye kako faro gubernur, Kaisar fyasna kwar faḇeḇuk samamyai faro ḇeḇarḇor ma syowi faro ḇefrur roi ḇeḇyesya.
15Snar Allah marisen ḇyedi, mkofrur roi ḇeḇye insa mko panos sḇadon ro ḇewosḇo ḇefawi royoḇasya.
16Mkokenem imnis snonkaku ḇemkei, ma mkomnis awer snonkaku ḇeyokef ḇarḇorsena kuker ḇaḇemkeiya mboi mkokenem imnis Allah manfamyan ḇyesi.
17Mko ḇesyowi snonkaku kam, mkoswar naek srar mkoḇesi, mkomkak Allah, mkoḇesyowi waireksya!
18Ne, ḇeyuffarmyan, mkokunem kuker makakak faro manseren mkoḇesi, ḇefafir ma ḇeḇenaḇyesya serer ḇa, mboi faro ḇemasasorsya kako.
19Snar saswar-fakamaman naisya, rofyor snon oso ifawi Allah marisen ḇyedi inja ikbaḇ ḇyar kandera ḇenapes ḇana.
20Nari mkosma sanandik rariso, rofyor mkosma kandera snar sasar mko frurna? Ḇape rofyor mkofrur roi ḇeḇye raimnai mkosma kandera, nari Allah ḇyeḇok mko.
21Snar faro roi ḇerarirya eḇedari mko ḇeḇeyor, snar Kristus ḇyekandera faro mko kwar ma ḇyuk fasasna faro mko kwar insa mkoso wewur ḇyena.
22Ikada ifrur sasar ḇa, ma dankarkar ḇa.
23Rofyor sonef-sifyaki, ima dakonef-dakfyak ḇa; rofyor isma kandera, iḇriwarek iḇa, ḇape ḇyuk mankundi faro Allah, Mankara ḇenapesya.
24Mankundi ḇyar sasar koḇena kwar ro ai apropya, insa koine, ḇemar faro sasar kwar ko kenem faro ḇaḇenapnapesya. Snar amborew ḇyena kosma pararei kwar.
25Snar ḇeponiwara koḇor imnis domba, ḇape baboine kokaḇer kwar faro Manfarandows Ḇefaduru Rur koḇesi.