Alkitab Mobile SABDA
[VER] : [BIAK]     [PL]  [PB] 
 <<  2 Petrus 3 >> 

1Naek srar yaswar kaku, ine syap ḇeḇesuru yafas faro mko. Ro syap ansuya yaḇesewar fayaḇawes kakara ḇekaku ro mko,

2insa mkoswarepen Allah nabi ḇyesi wos sikofen ro ḇeponiwara ma mkoswarepen Manseren sasoser ḇyena, Wairek Ḇeḇuk koreri, wawan mkoḇesi sikofen ḇadir faro mko kwar.

3Roi mkoswarepen ḇepon kakuya isoine, ro ras awar ḇepupesya nari snonkaku ḇekenem ma ḇeso rmomen-nafsu nari sikḇawes fasonef mko.

4Sikofen ḇo soḇo: "Asas Manseren iḇe ryamumaya isyaro? Snar kma ma up nkoḇesi simar kwar, ḇape roi ḇeḇor kam namnis raris ro randakya rofafisu supswan ḇyeḇefrurya!"

5Sikada sifrur ḇeḇefawi ḇa, mboi snar Allah ikofen nanki isya kwar ro ḇepon ma supswan kako ḇeḇeknam ro warya ma snar warya,

6ma snar war ani, supswan ḇepon ani ryo kwar kuker faḇruḇya.

7Ḇape kuker wos ani kako nanki ma supswan ro baboine ḇyeḇefaduru ro for ma ḇyeḇekram isof ras ḇaḇemankara ma snonkaku ḇeḇarḇorsya sro.

8Ḇape naek srar yaswar kaku, roi oser ine mkofanander awer i, isoine mboi ro Manseren ḇarpon ḇyedi ras oser imnis raris wampasi wambarek syaran oser ma wampasi wambarek syaran oser imnis raris ras oser.

9Manseren nari isusu asas ḇyedi ḇa, mboi snonkaku ono sisya skara rarirya, ḇape ikḇaḇ faro mko, snar imewer oso ryo, mboi insa snonkaku kam simbror ma skaḇer.

10Ḇape Manseren Ras raramuma ḇyedi imnis ḇekaraw. Ro ras ani nari nanki ipromes kuker rakrok maum ḇeyun nyawa ma roi ḇeḇor ro supswan nari narus ro for ḇesberya, ma supswan kuker roi ḇeḇor ḇeroina nari napromes.

11Inja, roi ḇeḇor anna kam nemompraf rarirya, iḇye mkokenem nasren

12isoine mko ḇewaf ma ḇeswarmura ro Manseren Ras raramuma ḇyedi. Ro ras ani nari nanki inanem kuker for ma roi ḇeḇor ro supswan nari najaren snar saksak forya.

13Ḇape kowaf rosai Allah ḇyeasas kwar, isoine nanki ḇebabo ma supswan ḇebabo, ro moḇ kosma ḇaḇenapnapesya.

14Inja, naek srar yaswar kaku, rofafisu mkowafwaf roi ḇeḇor nane kam, iḇye syadi mkoḇesewar, insa sisma mkofarorewḇa ro Allah ḇarpon ḇyedi kuker ḇaḇeaski ro Allah.

15Kwara Manseren koḇedi ḇaḇekaḇaḇaḇ ḇyedi imnis fafisu famkosma aski, imnis Paulus kako, naek koswar ani, fyas faro mko kwar iso mamkarkir Allah ḇyuk faro iya.

16Paulus syap ḇeḇor ḇyena fyas ḇesya kwar roi ḇeḇor nane. Kaku roi ono naisya nsamswen isof sifawina ḇa ro syap anna. Ma ḇefawina ḇasya ma kakyar ḇedworen ḇasya, siwararye rosai Paulus fyasna. Mnuk ḇese ro Refo siwararyena rarirya kako. Nane nari neknam raro faro mankun si.

17Ḇape mko naek srar yaswar kaku, mkofawi ḇepon roi ḇeḇor nane kwar. Inja mkepen mko, imbude mkosaso snonkaku ḇeḇor ḇefawi sasoser ḇa isof mkosapibur moḇ ḇeknonya.

18Iḇye kada mkofawi kaku Manseren ḇaḇenaḇye ḇyena, Wairek Ḇeḇuk korerima ḇeko isoine Yesus Kristus, ma mko kako mkofawi kaku i. Sanandik faro i, ro baboine isof fyoro-fyoro kada! Amin. Ro aya, Petrus



Studi Alkitab dengan AI: Chat dengan Alkitab GPT.

Studi lengkap, silahkan lihat: Alkitab SABDA.
Dengar dan baca Alkitab Karaoke, silahkan kunjungi: Alkitab Karaoke.
Rencana Multimedia Baca Alkitab: BaDeNo.

 <<  2 Petrus 3 >> 


Bahan Renungan: SH - RH - ROC
Download
Alkitab ANDROID
Kamus Alkitab
Kamus Bahasa
Kidung Keesaan
Kidung Jemaat
Nyanyikanlah Kidung Baru
Pelengkap Kidung Jemaat
Alkitab.mobi
Copyright
Alkitab.SABDA.org
Android.SABDA.org
SABDA.APP
BaDeNo
Alkitab GPT
Bantuan
Dual Panel Dual Panel