Alkitab Mobile SABDA
[VER] : [BIAK]     [PL]  [PB] 
 <<  2 Yohanes 1 >> 

1Syap ine ro aya, manfarkin jemaat, faro Sna Allah kyinfir ma romawa ḇyesi yaswar kaku ḇeri. Yerer monda ḇa, ḇape snonkakusya kam ḇefawi wos ḇenapes ro Allah, ḇeswar mko kako,

2snar Allah ḇenapes kyain ro kosnesna, ma nari isya ḇesya kwar kuker ko isof fyoro-fyoro.

3Saswar-fakamaman ma aski ro Allah Kmaya, ma ro Yesus Kristus, Kmaya Rumkun ḇyedi nari ifnoḇek ko kuker napnapes ma saswarya.

4Yamarisen kaku yafawi mboi romawa besi ono sisya sikenem siso napnapes ro Allah raris Kmaya syoser faro ko kwar.

5Snar rarirya, yor kaku ḇeri, faro awin au, insa kokam koswaryae ko. Roi yafas nane sasoser ḇebabo oso irya ḇa; sasoser ine ssḇuki faro ko kwar ro randakya.

6Mkosaswar isoine mkokenem mkoso Allah sasoser ḇyena. Ma sasoser mkomnaf kwar ro randakya isoine mkoswaryae mko.

7Ḇesararer sibor sisasyar kwar ḇesupswan ḇesiper. Sima snonkaku ḇekarem ḇa Yesus Kristus ryama ḇesupswan imnis raris snonkaku. Snonkaku ḇerarirya sikada ḇesararer ma mbroḇ Kristus ḇyesirya.

8Inja mkowaren imbude rosai koḇesewar faro mko ryobur mkondi. Mkoḇesewar insa mkosma sasuref mkoḇena kam.

9Mansei ḇeso Kristus farkarkor ḇyena ḇa, mboi isasyarbur rosai Kristus fyarkor na, snonkaku ani ḇyeoser kuker Allah ḇa. Mansei ḇekain nako ro Kristus farkarkor ḇyena, nari ḇyeoser kuker Kmaya ma kuker Rumkunya kako.

10Rofyor snonkaku oso ryama faro mko ma ḇyuk farkarkor Kristus ḇyuk na ḇa, mkosrow i ro rum mkoḇena awer; ma mkokofen awer aroo faro i.

11Snar mansei ḇekofen aroo faro snonkaku ḇerarirya, iso kako snon ani ḇo sufrur fararur ḇeḇarḇor ani.

12Roi nabor kaku ḇeḇefandun yaḇe yakofen ḇadir faro mko, ḇape yaḇaḇir iḇye syadi yafas awer na ro syap ine. Yakyar nari yarakaki mko ma mankundaya yawawos kuker mko, insa kosnesna namarisen kaku ḇeri.

13Romawasya ro naek Sna koswar ro dine sfarem aroo faro Sna ro diya.



Studi Alkitab dengan AI: Chat dengan Alkitab GPT.

Studi lengkap, silahkan lihat: Alkitab SABDA.
Dengar dan baca Alkitab Karaoke, silahkan kunjungi: Alkitab Karaoke.
Rencana Multimedia Baca Alkitab: BaDeNo.

 <<  2 Yohanes 1 >> 


Bahan Renungan: SH - RH - ROC
Download
Alkitab ANDROID
Kamus Alkitab
Kamus Bahasa
Kidung Keesaan
Kidung Jemaat
Nyanyikanlah Kidung Baru
Pelengkap Kidung Jemaat
Alkitab.mobi
Copyright
Alkitab.SABDA.org
Android.SABDA.org
SABDA.APP
BaDeNo
Alkitab GPT
Bantuan
Dual Panel Dual Panel