Alkitab Mobile SABDA
[VER] : [BIAK]     [PL]  [PB] 
 <<  Ibrani 2 >> 

1Snar rarirya kufepen nako ma kodworen ro rosai komnaf kwar, insa koki awer ro kiraya.

2Snar wos malaikatsya sikofen nari ndarirya faswef, ma ḇaḇeuk ono ma ḇaḇeuserḇa nari nasma munsu,

3nari kokfis rariso rofyor kokara kuker awnosḇa knam ro koreri ani, randakya Manseren ikofen kwar ma kosma na ro snonkaku ḇerower kwarsya sfar pampyam maḇeko kuker nyan kokyar na,

4Allah ifrur ḇaryas sena fanadworen kaku kuker aḇyair ma aḇyair kanandor ma fasasna ḇeḇor kuker papoik ḇyena ma Rur ḇyedi ḇyerarwas na imnis mankundi marisen ḇyedi.

5Snar malaikatsya sisma papoik ro Allah ḇa fasḇuk sasoser ro supswan ḇebabo nari ḇeramaya, isoine sup koḇekawawos ine.

6Ro Refo mnuk oso isya sfas radine: "O, Allah, snonkakusya mansesirya, isof wamarisen waswarepen si, oroḇaido rumkun snonkaku, isof ḇefandun si?

7Rofafisu ḇeknampu rwun syadi i ro malaikatsya, ma buk ḇei kankain ḇepyum ma ḇaḇesyowi,

8wafrur i faisma papoik ro roi ḇeborkam." Isoine roi oso kako ryobaḇ papoik snonkaku ḇa. Ḇape baboine komam ḇaim, snonkaku sisma papoik ro roi ḇeḇor anna.

9Ḇape Yesus rofafisu kermkun ḇyeḇerun faryobaḇ malaikatsya, isoine Yesus komam, snar kandera marmar, ḇyeḇesiḇer kuker wower payamyum ma syowi, insa Allah saswar-fakamaman ḇyena ifawi marmari faro snonkakusya kam.

10Snar imnis raris Allah rari ḇyedi -- ifrur ma fyaduru roi ḇeḇor kam, -- Allah dun snonkaku sibor faro babaya, ma ḇyeimnis Yesus, faḇyemanfarkin ḇesi faro koreri, kuker ḇaḇekandera ḇyedi.

11Snar Yesus fyasren ma sḇeḇefasren, sikam sḇeknam oser; eḇedari imai ḇa dap siḇe naek srar.

12Yesus ikofen faro Allah: "Nari yaḇaryas snombri faro naek srar ayesi, ma yasandik aw rofandu jemaat."

13Yesus ikofen wer: "Nari yarir kakyar ayedi mufaḇe Allah." Ma Yesus ikofen wer: "Kaku ḇeri, aya isoine ma romawa Allah ḇyuk maḇe aya kwarsya."

14Snar snonkaku dap ḇeromawa ansi, sikada kankenem snonkaku, nari ḇemar, inja Yesus mankundi imnis kuker si ma ikenem ro rari snonkaku imnis si. Ifrur rarirya insa marmar ḇyedi kyakok Ibiris, ḇesma papoik ro marmari,

15ma kuker nyan ḇerarirya ḇyuk ḇaḇemakakei faro snonkaku ro kankenem sena ḇesiper sisya ro ḇaḇewomen snar simkak faro marmari.

16Snar kaku ḇeri, malaikatsya si iswarsya ḇa, ḇape Abraham kpu ḇyesi iswar si.

17Snar rarirya ro roi ḇeḇor kam imnisbos naek srar ḇyesi, insa ḇye Imam Ḇeba ḇena saswarya ma ḇeḇeuser faro Allah ma ḇyuk aski faro ersya kam ro sasar sena.

18Kuker nyan ine mankundi isma kwar kandera ma fafrowes, insa ifnoḇek snonkaku ḇesma fafrowes sya.



Studi Alkitab dengan AI: Chat dengan Alkitab GPT.

Studi lengkap, silahkan lihat: Alkitab SABDA.
Dengar dan baca Alkitab Karaoke, silahkan kunjungi: Alkitab Karaoke.
Rencana Multimedia Baca Alkitab: BaDeNo.

 <<  Ibrani 2 >> 


Bahan Renungan: SH - RH - ROC
Download
Alkitab ANDROID
Kamus Alkitab
Kamus Bahasa
Kidung Keesaan
Kidung Jemaat
Nyanyikanlah Kidung Baru
Pelengkap Kidung Jemaat
Alkitab.mobi
Copyright
Alkitab.SABDA.org
Android.SABDA.org
SABDA.APP
BaDeNo
Alkitab GPT
Bantuan
Dual Panel Dual Panel