Alkitab Mobile SABDA
[VER] : [BIAK]     [PL]  [PB] 
 <<  Ibrani 4 >> 

1Inja, iḇye kepen ko, insa oso isya rofandu mko skara iḇe ḇesusu awer, snar Allah asas ḇyedi nari kosun ro ḇaḇemananai ḇyedi isya kaker.

2Snar Ankankinem Ḇeḇye sḇaryas ani ssḇuki kwar maroko imnis raris faro si, ḇaryas ani ḇyefainda faro siḇa, snar rofafisu simnafya, sna na kuker kakyar ḇa.

3Mboi ḇekyar koya kada, nari kosun ḇemoḇ mananaiya raris wos ḇyedi: "Yamsor ma yaforeswas: Mboi sikada nari saksun ḇemoḇ mananai yedi ḇaḇeri!" Allah ikofen rarirya, ḇape fararur ḇyedi imnai kwar ro randak supswan ine ḇyeḇefrur kwarya.

4Snar ro ras ḇeḇefikya sfas kwar ro Refo radine: "Ro ras ḇeḇefikya Allah imnai ro fararur ḇeḇor ḇyena."

5Ma ro mnuk ani sfas radine wer: "Nari saksun ḇemoḇ mananai ayedi ḇaḇeri."

6Inja ḇemnaf ḇepon ḇaryas ro Ankankinem Ḇeḇye ani, ssḇuk moḇ mananai ḇesi ḇa, snar sikyar ḇari.

7Ḇape Allah fyasna ḇepon kwar ras oso, sapḇe "Ras Ine," rofafisu ikofenbadir fyoro ḇepon kwar faro Daud imnis sikofen ro diasne radine: "Ro ras ine, rofafisu mkorower mkaren ḇyedi ido, mkoḇe mkosnemna fanpakrek awer!"

8Snar imnis raris Yosua dun snonkaku ansi fasun kwar ḇemoḇ mananai ani, nari Allah dawawos ro ḇarpurya ro ras ḇese nari ḇeramuma werya ḇa.

9Inja ras mananai oso isya ḇyeḇefasos, faro Allah kawasa ḇyesi, imnis Allah imnai ro ras ḇeḇefikya.

10Snar mansei ḇesun ḇemoḇ mananai Allah ḇyuk faro i kwar, nari imnai kwar ro fararur ḇeḇor ḇyena imnis raris Allah imnai ro fararur ḇyena.

11Inja mkorama koḇesasewar kaku ḇeri fakosun ḇemoḇ manai ani ro Allah. Imbude komindi oso isapiri imnis si roḇepon, snar sikyar faro Allah ḇa.

12Snar Allah wos ḇyena wos ḇekenem ma ḇepok isar syadi ro sumber ḇesar raḇandiḇar. Wos ani kyuk randum ḇyerwas rur ma kankenem, faswisew ma korkor kuker sorem na; isof ifrur fakakara ma swaruser ro kosnesna nbaḇer kam.

13Ma roi ḇekenem oso kako iyokef ḇa ro Allah ḇarpon ḇyedi, snar roi ḇeḇor kam nbas ma nbaḇer ro Allah ḇarpon ḇyedi. Ma nari kokarem faro i.

14Baboine kona Imam Ḇeba kaku ḇesun isof ro ḇarpon Allah ḇyedi, isoine, Yesus Kristus, Allah Rumkun ḇyedi, inja kuf nako ro kakyar koḇedi kada.

15Imam Ḇeba koḇedi, imam ḇemam monda ko ro raryar ḇa koḇena, snar mankundi kako isma kwar faraurowes sas ḇeḇor kwar imnis ko, mboi dakfrur sasar ḇa.

16Rarirya komkak ḇa kora faro Allah ḇeḇuk sasoser kuker snemura. Nari Allah iswar ko ma ḇyeḇok ko ma kosma fafnoḇek, rofafisu koḇefandunya.



Studi Alkitab dengan AI: Chat dengan Alkitab GPT.

Studi lengkap, silahkan lihat: Alkitab SABDA.
Dengar dan baca Alkitab Karaoke, silahkan kunjungi: Alkitab Karaoke.
Rencana Multimedia Baca Alkitab: BaDeNo.

 <<  Ibrani 4 >> 


Bahan Renungan: SH - RH - ROC
Download
Alkitab ANDROID
Kamus Alkitab
Kamus Bahasa
Kidung Keesaan
Kidung Jemaat
Nyanyikanlah Kidung Baru
Pelengkap Kidung Jemaat
Alkitab.mobi
Copyright
Alkitab.SABDA.org
Android.SABDA.org
SABDA.APP
BaDeNo
Alkitab GPT
Bantuan
Dual Panel Dual Panel