Alkitab Mobile SABDA
[VER] : [BIAK]     [PL]  [PB] 
 <<  Yakobus 4 >> 

1Mamunmun ma rakrakrok rofandu mko ndama kero? Mkofawiḇake ndama ro rmomen-nafsu ḇefamfaḇriyae ro baken mkoḇena?

2Mkormomen roi oso, ḇape mkosma i ḇa, inja mkomamun; mkokram masasor, ḇape marisen mkoḇena mkosmana ḇa, inja mkorakrakrok ma mko mamunmun. Mkosma roi oso ḇa snar mkoḇenadi ḇa.

3Roḇa mkoḇenadi kako, ḇape mkosma roi oso ḇa, snar mkonadi sasar, snar roi mkorna faro marisen mankun mko ḇardi.

4Ne mko, snonkaku ḇefarmku ḇa! Mkofawiḇake, ḇaḇebati kuker supswan ine, mko ḇeembroḇ kuker Allah?

5Mko kara awer, mboi Refoya ḇyeknam ba faikofen: "Rur Allah ḇyukma ḇeko marisen ḇyedi syambraḇ kaku!"

6Ḇape saswar-fakamaman, Allah ḇyukma ḇeko, syambraḇ syadi ro marisen rur koḇesi. Rarirya ikofen: "Allah isampum ḇemarares, ḇape iswar ḇerun sisnesna."

7Eḇedari mkokunem faro Allah, ma kosampum Ibiris, rarirya nari ifrarbur mko!

8Mkofanam faro Allah, ma nari Allah fyanam faro mko. Wafrur sren ḇramsi, ne snonkaku ḇesasar! ma wafrur sren snembri, ne mko ḇeḇesnemandu!

9Mkofawi ḇaḇekandera mkoḇenaḇae, mkoḇarop ma mkokanes; marafrif mkoḇena neḇesadwer kuker kankanes ma raryaḇ mkoḇena kuker barop.

10Mkorun mko ro Manseren ḇarpon ḇyedi, ma nari ikanow mko.

11Naek srar ayesi, mkonefyae awer mko! Mansei ḇeyonef naek ḇyedi roḇa ḇyemankara i, kyoryae Allah sasoser ḇyena; ma rofyor bemankara Allah sasoser ḇyena, rarirya ido waser sasoser anna ḇa mboi bemankarana.

12Oser monda i Ḇeḇuk sasoser ma Ḇeḇemankara. Isoine Allah ḇepok ḇeḇuk koreri ma ḇeḇuk raro. Ḇape aw ido, isof wamarisen bemankara faro min besi?

13Inja knikine, ne ḇekofen mkoya: "Ras Ine roḇa meser nkora ḇemnu oso, ma rodiwa nari nkokain wampasi wambarek oser ma nko farḇaḇyan ma nkosma fainda,"

14rofyor ani nari mkofawi roi ḇekur mko ro meserdiya ḇa. Mankun mko kako mkofawi ḇa. Kankenem mkoḇena namnis raris kamayow ḇeḇair knik monda raimnai ipromes.

15Iḇye mkokofen radine: "Manseren imarisen ido, nari nkokenem ma nkofrur ine roḇa iwa."

16Ḇape knikine mkomarares ma mkofakḇun mko, ma marares ḇeḇor ḇerarirya nsasar.

17Inja snonkaku oso ifawi rariso nari ifrur ḇaḇye, ḇape ifrurna ḇa, ikada, ḇyesasar.



Studi Alkitab dengan AI: Chat dengan Alkitab GPT.

Studi lengkap, silahkan lihat: Alkitab SABDA.
Dengar dan baca Alkitab Karaoke, silahkan kunjungi: Alkitab Karaoke.
Rencana Multimedia Baca Alkitab: BaDeNo.

 <<  Yakobus 4 >> 


Bahan Renungan: SH - RH - ROC
Download
Alkitab ANDROID
Kamus Alkitab
Kamus Bahasa
Kidung Keesaan
Kidung Jemaat
Nyanyikanlah Kidung Baru
Pelengkap Kidung Jemaat
Alkitab.mobi
Copyright
Alkitab.SABDA.org
Android.SABDA.org
SABDA.APP
BaDeNo
Alkitab GPT
Bantuan
Dual Panel Dual Panel