Alkitab Mobile SABDA
[VER] : [BIAK]     [PL]  [PB] 
 <<  Yakobus 3 >> 

1Naek srar ayesi, rofandu mko sibor simarisen seguru awer; snar kofawi, mboi ḇaḇeguruya nari kosma mankara imnis warnkyara ḇemarḇak syadi.

2Snar kokam kosasar ro roi nabor; mansei ḇesasar ḇa kuker wos ḇyena, ikada snonkaku ḇenapes, ma nari fyara baken ḇesiper ḇyedi kako.

3Korir pisan ro kudaya sḇadon ḇyedi, insa iso marisen koḇena, kuker nyan ḇerarirya kako koḇuki fyara baken ḇesiper ḇyedi.

4Ma komam monda faro jawarana, naba rariso wer ma wamdoḇerna nmunna rariso, ḇape neḇefara kuker remis kasun imnis manfaraya marisen ḇyedi.

5Rarirya ramarya kako, ḇyekina ḇeba ḇa ro baken, ḇesyaḇo imararesi kuker roi ḇebana. Mkomam for ḇeba ḇa kako wer, ḇape ikun supna mnuk ḇesiper.

6Ramarya imnis for kako. Ro baken koḇeja ramar ani ḇyeknam ro ḇarḇor fakyakek ḇarḇorya ro baken ḇesiper koḇedi. Kuker for ḇeḇeknam ro for ḇembrerḇa, for ani ikun kankenem ḇesiper koḇedi.

7Aiwan ḇeḇor ḇekafdirsya kam, isoine: mansya, aiwan ḇeyanawer, ma insya snonkakusya sḇesi fasfafir kwar.

8Ḇape snonkaku oso ḇaḇeri ipok faḇye ramarya fafyafir; ramar ani roi oso ḇeyan ḇepek, ma kopok i ḇa, ma ifo kuker inamer ḇeḇuk marmar.

9Kuker ramarya kosandik Manseren. Kma koḇedi; ma kuker ramarya kofras snonkaku Allah fyanir faḇemnis mankundi,

10ro sḇadon oser ani isasyar ḇaḇok ma fafras. Inja naek srar ayesi roi ḇeradine ndarirya awer.

11Isyake war ḇeprim ma war ḇesarmar susasyar ro war sun oser?

12Naek srar ayesi, isyake imyui knam imarem ḇeawai bon ma isyake ur knam imarem ḇesrai bon? Rarirya kako sun ḇemasmasen nari ḇyuk war ḇeprim ba.

13Mansei rofandu mko ḇefawinanem ma ḇena fawawi? Kuker kankenem ḇeḇye fyasna fararur ḇyena ro mamamkarkir ma ḇaḇekaḇaḇaḇ kada.

14Rofyor mkokram masasor ma mkofandun mankun mko, mkomarares mankun mko awer ma mkankarkar ḇo mkosampum awer ḇaḇenapnapesya!

15Inja irya ido fawawi nanem ḇerama ro boiyaswa ḇa, mboi ro supswan, ro snonkaku nafsu-rmomen sena, ro rudur ḇemaḇak.

16Inja ro moḇ kokram masasor ma kofandun mankun ko rodia isya anunḇesisye ma fararur ḇeḇor ḇeḇarḇorna naisya.

17Ḇape fawawinanem ḇerama ro boiyaswa ikada kyaku, ma ḇyuk aski, fyafir, iso asuser, ifo kuker saswar ma ḇyuk bon ḇeḇye, iwaira mun osoḇa ma dankarkar ḇa.

18Ḇape ḇaḇenapnapesya irya bon ro askiya ma snonkaku beswar askiya siso benaisya.



Studi Alkitab dengan AI: Chat dengan Alkitab GPT.

Studi lengkap, silahkan lihat: Alkitab SABDA.
Dengar dan baca Alkitab Karaoke, silahkan kunjungi: Alkitab Karaoke.
Rencana Multimedia Baca Alkitab: BaDeNo.

 <<  Yakobus 3 >> 


Bahan Renungan: SH - RH - ROC
Download
Alkitab ANDROID
Kamus Alkitab
Kamus Bahasa
Kidung Keesaan
Kidung Jemaat
Nyanyikanlah Kidung Baru
Pelengkap Kidung Jemaat
Alkitab.mobi
Copyright
Alkitab.SABDA.org
Android.SABDA.org
SABDA.APP
BaDeNo
Alkitab GPT
Bantuan
Dual Panel Dual Panel