Mazmur 124 (BUGIS)

1Elong ziyarana Daud. Pékkugi akkalarapanna PUWANGNGE dé’ naccowériki? Eh Israélié, baliwi makkuwaéwé:

2"Akkalarapanna PUWANGNGE dé’ nasibawakki wettutta nagasa balié,

3purani naemme tuwo-tuwo, nasaba caina mennang iya maseroé.

4Purani naalireng lémpe, sibawa nalle uwai;

5namaténi tallemme ri laleng sulilina uwai makarame’é."

6Laono mai tasukkuru lao ri PUWANGNGE, saba’ dé’ naleppessakki ripaccappu ri balié.

7Pada-padaki manu’-manu’ iya leppe’é polé ri siyona paddengngengngé, pettuni iyaro siyoé, na idi leppe toni!

8Pattulutta poléi ri PUWANGNGE iya pancajiyéngngi langié sibawa linoé.

Studi lengkap, silahkan lihat: Alkitab SABDA.
Dengar dan baca Alkitab Karaoke, silahkan kunjungi: Alkitab Karaoke.
Rencana Multimedia Baca Alkitab: BaDeNo.
Studi Alkitab dengan AI: Alkitab GPT.

<< Mazmur 124 >>