Dual Panel1Elong ziyarana Daud. Pékkugi akkalarapanna PUWANGNGE dé’ naccowériki? Eh Israélié, baliwi makkuwaéwé:
2"Akkalarapanna PUWANGNGE dé’ nasibawakki wettutta nagasa balié,
3purani naemme tuwo-tuwo, nasaba caina mennang iya maseroé.
4Purani naalireng lémpe, sibawa nalle uwai;
5namaténi tallemme ri laleng sulilina uwai makarame’é."
6Laono mai tasukkuru lao ri PUWANGNGE, saba’ dé’ naleppessakki ripaccappu ri balié.
7Pada-padaki manu’-manu’ iya leppe’é polé ri siyona paddengngengngé, pettuni iyaro siyoé, na idi leppe toni!
8Pattulutta poléi ri PUWANGNGE iya pancajiyéngngi langié sibawa linoé.