Dual PanelPujilah TUHAN
1Pujilah TUHAN! Alu bulat ukur kukataken bujur man TUHAN, i tengah-tengah kalak bujur ras i bas PerpulungenNa.
2Andiko belinna perkara-perkara si ibahan TUHAN, kerina kalak si meriah iakapna rassa merincuh ngantusisa.
3Kerina si IlakokenNa mulia dingen terpuji, KinibujurenNa tetap rasa lalap.
4La ipediat TUHAN kita lupa PerbahanenNa si mejin; Ia si perkeleng dingen perkuah.
5IberekenNa rejeki man kalak si erkemalangen man BaNa, dingen la pernah lupa PerpadanenNa.
6Nggo IcidahkenNa KuasaNa man BangsaNa, alu mereken taneh bangsa-bangsa man bana.
7I bas kerina PerbahanenNa, Ia tetap dingen bujur, kerina PerentahNa, tetap enteguh.
8Undang-UndangNa tetap tahan rasa lalap, ibereken alu bujur, alu kebenaren.
9IpulahiNa BangsaNa; jenari IbahanNa perpadanen si tetap rassa. Badia dingen medolat me tuhu-tuhu Dibata.
10Bena-bena kepentaren eme erkemalangen man TUHAN. Man kalak si patuh man BaNa IberekenNa kap pemeteh si mehuli. Terpujilah Dibata seh rasa lalap.