Alkitab Mobile SABDA
[VER] : [KARO]     [PL]  [PB] 
 <<  Mazmur 138 >> 

Pertoton pengataken bujur

1I bas Daud nari. Kukataken bujur man BaNdu, o TUHAN, alu bulat ukurku. I lebe-lebe dibata-dibata si deban, rende aku muji Kam.

2Janah muji GelarNdu, erjimpuh aku ngadap ku RumahNdu si badia, erkiteken Kam setia dingen tetap KekelengenNdu. Nggo IcidahkenNdu maka GelarNdu ras perentah-PerentahNdu belinen asangken kai pe.

3Tupung kulebuh Kam, IaloiNdu aku, alu GegehNdu, IpegegehiNdu aku.

4Kerina raja-raja i doni ipujina Kam, o TUHAN, erkiteken nggo ibegina padan-PadanNdu.

5Kerna KemulianNdu si mbelin dingen kai si nggo IbahanNdu, rende me ia kerina.

6Aminna pe Kam si meganjangna, ipekena-KenaNdu nge kalak si meteruk. Kalak megombang la banci cebuni i bas Kam nari.

7Tupung aku ikeleweti kiniseran, iampang-AmpangiNdu aku maka la aku bene. IlawanNdu imbang-imbangku si sangana ngamuk, alu GegehNdu IkeliniNdu aku.

8IlakokenNdu kai si nggo IpadankenNdu. O TUHAN, keleng AteNdu tetap rasa lalap, bahanlah serta dahin si nggo IbenakenNdu.



Studi Alkitab dengan AI: Chat dengan Alkitab GPT.

Studi lengkap, silahkan lihat: Alkitab SABDA.
Dengar dan baca Alkitab Karaoke, silahkan kunjungi: Alkitab Karaoke.
Rencana Multimedia Baca Alkitab: BaDeNo.

 <<  Mazmur 138 >> 


Bahan Renungan: SH - RH - ROC
Download
Alkitab ANDROID
Kamus Alkitab
Kamus Bahasa
Kidung Keesaan
Kidung Jemaat
Nyanyikanlah Kidung Baru
Pelengkap Kidung Jemaat
Alkitab.mobi
Copyright
Alkitab.SABDA.org
Android.SABDA.org
SABDA.APP
BaDeNo
Alkitab GPT
Bantuan
Dual Panel Dual Panel