Dual PanelPertoton karaben guna mindo penampat
1Masmur Daud.
2O Dibatangku, adi ertoto aku, aloilah o sekawalku. Tupung aku i bas kiniseran, IsampatiNdu kap aku emaka genduari mekuah dage AteNdu aku, dengkehken pertotonku.
3Asakai nari dekahna kalak nggombang-nggombangi aku? Asakai nari dekahna kalak e ngena ate man si la lit ergana? dingen ngayak-ngayak si sea-sea?
4Ingetlah maka TUHAN nggo milih si bujur jadi SikerajangenNa, dingen IbegikenNa tupung aku erlebuh man BaNa.
5Nggirgir dingen gentarlah i adep-adepen Dibata, ulanai kam erdosa ukurkenlah mbages-mbages tupung kam tayang si sada i bas kamarndu.
6Persembahkenlah persembahen si patut man TUHAN dingen ernalemlah man BaNa.
7Nterem kalak si ertoto bagenda nina, "O TUHAN bereken man kami tole pasu-pasu; perdiateken kami alu KiniulinNdu!"
8Tapi keriahen si nggo IberekenNdu bangku, lebihen asang keriahen kalak si melala erta-ertana. <4:9> - Adi medem aku, ntabeh pertunduhku, o TUHAN, Kam saja ngenca si mereken ketenengen si tuhu-tuhu bangku.