Alkitab Mobile SABDA
[VER] : [KARO]     [PL]  [PB] 
 <<  Pengkhotbah 10 >> 

1Laneng mate banci erbahan mbau minak wangi sada botol, sitik kebodohen mahanca lasam kepentaren si mbelin.

2Kalak pentar bujur perbahanenna, tapi kalak bodoh jahat pengelakonna.

3Kebodohenna teridah sangana erdalan pe, janah imomokenna kebodohenna man kerina kalak.

4Kune kam itembehi raja, ula kam mindo ngadi erdahin. Aminna mbelin pe kesalahenndu banci nge isasapken adi kam teneng dingen saber.

5Lit kejahaten si deban kuidah i babo pertibi enda, eme: raja-raja ras si erkuasa ngelakoken si la bujur.

6Kalak bodoh ipangkatken, kalak bayak la iperdiateken.

7Pernah kuidah suruh-suruhen ngersak kuda, tapi tuan erdalan bali ras suruh-suruhen.

8Kalak si ngkuruk lubang, ia jine gedap ku bas, kalak si encedaken tembok, itagut nipe si erbisa me ia.

9Kalak si erdahin i bas tambang batu, terantuk dingen luka me ia. Kalak si naka ranting, kena me ia.

10Kune sekinndu la ntelap tapi la igarutndu, terpaksa kam erdahin ersuhsah-suhsah. Pergunakenlah ukurndu si jore, jenari bahan leben rencana.

11Adi nipe nagut ope denga ipelemuk alu tabas, lanai lit gunana pawang nipe.

12Ranan kalak pentar mahanca ia ihamati, tapi bene kalak bodoh erkiteken rananna jine.

13Tangtangna bodoh rananna, kedungenna bagi kalak jahat mehado.

14Kalak motu ngeranai lalap, wari si pagi ise pe la metehsa. La lit si beluh nurikenca kai si terjadi kenca mate.

15Kalak bodoh ngenca la meteh dalan ku rumahna, alu la erngadi-ngadi erbintuas erdahin.

16Cilaka me negeri adi raja anak perana, dingen peminpin-peminpinna erpesta seh erpagi-pagi.

17Sangap kal negeri adi medolat rajana, peminpin-peminpinna man i bas paksana, si ngasup ngamper bana dingen la peminem-minem.

18Adi kisat kalak pehuli tarum rumahna si cires, runtuh me rumah e perban la ipekena.

19Pesta erbahan kalak tawa dingen anggur erbahan meriah ate, tapi guna si e kerina la banci la lit duit.

20Ula sumpahi raja i bas ukur pe, ula sumpahi kalak bayak, i bas ingan medemndu pe. Banci jadi perik-perik megisa kai si ikatakenndu, jenari ipesehna man kalak si isumpahindu.


  Share Facebook  |  Share Twitter

 <<  Pengkhotbah 10 >> 


Bahan Renungan: SH - RH - ROC
Download
Alkitab ANDROID
Kamus Alkitab
Kamus Bahasa
Kidung Jemaat
Nyanyikanlah Kidung Baru
Pelengkap Kidung Jemaat
Alkitab.mobi
Copyright
© 2010-2022
Alkitab.SABDA.org

Android.SABDA.org
SABDA.mobi
Bantuan
Dual Panel

Laporan Masalah/Saran