Alkitab Mobile SABDA
[VER] : [KARO]     [PL]  [PB] 
 <<  Pengkhotbah 1 >> 

Sia-sia nggeluh enda

1Enda me kata Pengerana anak Daud raja Jerusalem.

2Nina, "Oh kerina sia-sia, kai pe sia-sia! Enggeluh pe sia-sia, kerina sia-sia.

3Gedang-gedang geluhta kita erdahin, curcur panasta. Tapi kai kin gunana man banta si e kerina?

4Lesap sada kesusuren reh ka kesusuren si deban, tapi doni enda bage nge lalap.

5Pultak kang matawari, jenari sundut ka. Latih iakapna mulihken ku bas inganna ndube, jenari pultak ka ia.

6Angin rembus ku Selatan, jenari rembus ka ku Utara, erpusing-pusing dungna mulihken ka.

7Kerina lau mbelin ku lawit perlawesna, tapi lalap nge lawit labo dem. Dungna mulihken ka ku bas uluna, jenari maler ka.

8Kai pe la mereken kepuasen, kerina erbahan leja. Mata la puas ngenen, pinggel la puas megi-megi.

9Kai si nggo pernah jadi, denggo jadi ka. Kai si nggo pernah ilakoken, denggo iulihi ka. Kai pe labo lit mbaru i bas doni enda.

10Lit kalak ngatakenca nina, 'Nehenlah, enda mbaru!' Tapi nggo me lit ope denga ia tubuh pe.

11Kai si nggo lepas, lanai iinget kalak. Bage pe kai si jadi genduari ras pagi, lanai bo iinget kalak i bas paksa si reh."

Pengalamen perpilsapat enda

12Aku, Pengerana si nggo jadi raja Israel ringan i Jerusalem.

13Nggo kutetapken ateku gelah kupepayo dingen kupelajari kerina si jadi i bas doni enda alu megermet. Kelatihen si ibereken Dibata man manusia la kap mereken keriahen.

14Kai si jadi i bas doni enda nggo kuidah kerina. Teklah maka si e kerina bali ras si nangkap angin saja ngenca; kerina sia-sia.

15Si nggo mbengkuk lanai terpepinter, kai si la lit la terbeligai.

16Rukur aku, "Aku kalak pentar, ndauh pentaren asangken kerina kalak si nggo pernah jadi raja i Jerusalem ope denga aku. Tuhu kuerti kal kai kepentaren dingen kai pemeteh."

17Emaka kupelajari ateku kai lainna pemeteh ras kebodohen, bage pe kai lainna kepentaren ras ngulah. Tapi teridah maka kerina e pe bali kap ras si nangkap angin.

18Sabap reh pentarna kita, reh lalana aru ateta. Reh lalana pemetehta, reh suina ateta.


  Share Facebook  |  Share Twitter

 <<  Pengkhotbah 1 >> 


Bahan Renungan: SH - RH - ROC
Download
Alkitab ANDROID
Kamus Alkitab
Kamus Bahasa
Kidung Jemaat
Nyanyikanlah Kidung Baru
Pelengkap Kidung Jemaat
Alkitab.mobi
Copyright
Alkitab.SABDA.org
Android.SABDA.org
SABDA.APP
BaDeNo
Bantuan
Dual Panel Dual Panel