Alkitab Mobile SABDA
[VER] : [KARO]     [PL]  [PB] 
 <<  Yesaya 31 >> 

Dibata ngkawali Jerusalem

1Cilaka me kalak si lawes ku Mesir mindo penampat. Ernalem kempak gegeh tentera Mesir si melala kudana, melala gereta perang, ras tenterana. Tapi la ia ernalem man TUHAN, Dibata nu Israel. La ia mindo penampat man TUHAN.

2TUHAN pentar kap, janah IetehNa kai arus IlakokenNa. IdabuhkenNa kecedan, janah sue ras KataNa IsehkenNa ukumen man kalak jahat ras pengawalna.

3Kalak Mesir pe manusia biasa nge, labo ia Dibata. Kudana labo lebihen asa kuda si lit i doni enda. Adi TUHAN ngawatken TanNa, bangsa si megegeh jadi getem, janah bangsa si la megegeh si IsampatiNa guling me. Duana ia ikernepken.

4Nina TUHAN man bangku, "Aminna uga gia gangna permakan-permakan serko ras ersurak, labo tergerasa singa i bas rubia-rubia si nggo ijerngemna, bage ka nge Aku pe, TUHAN si Mada Kuasa, labo lit kai pe banci si ngolangi Aku ngkawali Deleng Sion.

5Bali ras perik kelaling-kelaling i babo asarna lako ngkawali anak-anakna, bage ka me Aku TUHAN si Mada Kuasa. Kukawali Jerusalem janah Kupertahanken kota e."

6Nina TUHAN, "O bangsa Israel, kam nggo erdosa man bangKu janah ilawanndu Aku. Tapi genduari, mulihlah kam kempak Aku!

7Reh me warina i je kam kerina si dem alu dosa e menterken gana-gana si ibahanndu i bas pirak ras emas nari.

8Ikernepken me Assur i bas perang, tapi la alu gegeh manusia. Kiam me kalak Assur i bas perang nari, janah anak-anak peranana ibahan jadi budak.

9Rajana kiam perban biarna, janah perwira-perwira tenterana seh kal gentarna, seh maka itadingkenna bendera perangna." TUHAN nggo ngataken si enda. TUHAN si isembah i Jerusalem, si ApiNa gara i je guna persembahen-persembahen gelehen.


  Share Facebook  |  Share Twitter

 <<  Yesaya 31 >> 


Bahan Renungan: SH - RH - ROC
Download
Alkitab ANDROID
Kamus Alkitab
Kamus Bahasa
Kidung Jemaat
Nyanyikanlah Kidung Baru
Pelengkap Kidung Jemaat
Alkitab.mobi
Copyright
© 2010-2022
Alkitab.SABDA.org

Android.SABDA.org
SABDA.mobi
Bantuan
Dual Panel

Laporan Masalah/Saran