Alkitab Mobile SABDA
[VER] : [KARO]     [PL]  [PB] 
 <<  Zakharia 13 >> 

1Nina TUHAN si Erdolat, "Adi nggo seh paksa si e, pultak me pagi ulu lau lako mbersihken kesusuren Daud ras kalak Jerusalem i bas dosa ras kemelketenna nari.

2I bas paksa e pagi kusasapken gelar-gelar berhala i bas negeri e nari, janah lanai ise pe pagi ngingetca. Ise si ngakuken dirina nabi Kupelawes kerina, janah sura-sura lako nembah man berhala Kuagui.

3Kenca bage adi lit denga kalak si iteruskenna ernubuat, bapa-nandena jine kap si ngatakenca man bana maka ia arus ibunuh, sabap iakukenna maka ibelaskenna kata TUHAN, tapi guak nge kepe si ibelaskenna. Adi ernubuat ia, bapana ras nandena jine kap si nebak ia.

4Adi nggo seh pagi paksa si e, lanai pagi lit nabi si ermegah ukur kerna pengenehenenna, tah pe pekulah-kulahna jadi nabi, tah pe make uis nabi si ermbulu nebu-nebu kalak.

5Tapi ikatakenna nina, "Aku labo nabi. Aku sekalak perjuma, janah kidekah geluhku kuperjumai tanehku."

6Kenca bage adi lit kalak nungkun ia, 'Ngkai dage maka luka tentenndu?' Emaka erjabap ia nina, 'Aku luka sanga aku i bas rumah temanku.'"

Perentah munuh permakan biri-biri Dibata

7Nina TUHAN si Mada Kuasa, "Kekekenlah o pedang, lawanlah permakan biri-biringKu! Bunuhlah ia, maka kencah biri-biri e. Kulawan bangsangKu

8i belang-belang negeri e, dua pertelu bangsa e mate.

9Janah seperteluna si tading denga Kuuji dingen Kubersihken bali ras pirak ibersihken i bas api. Kuuji ia bali ras emas pe iuji. Kenca bage ertoto ia man bangKu, jenari Kualoi ia. Kukataken man bana maka ia kap bangsangKu, dingen iakuina maka Aku Dibatana."


  Share Facebook  |  Share Twitter

 <<  Zakharia 13 >> 


Bahan Renungan: SH - RH - ROC
Download
Alkitab ANDROID
Kamus Alkitab
Kamus Bahasa
Kidung Jemaat
Nyanyikanlah Kidung Baru
Pelengkap Kidung Jemaat
Alkitab.mobi
Copyright
Alkitab.SABDA.org
Android.SABDA.org
SABDA.APP
BaDeNo
Bantuan
Dual Panel Dual Panel