Alkitab Mobile SABDA
[VER] : [MADURA]     [PL]  [PB] 
 <<  Mazmur 141 >> 

1Jaburra Daud. Abdidalem aserro ka Junandalem, GUSTE, nyo’ona tolong duliyan abdidalem samangken! Peyarsa’agi abdidalem manabi aserro ka Junandalem.

2Tarema’agi du’a abdidalem menangka tor-ator dupa, sareng lengngen abdidalem se epenthang menangka kurban e baja malem.

3Adhu GUSTE, jaga’agi colo’ abdidalem, bibir ka’dhinto olattagi.

4Jauwagi abdidalem dhari pekkeran juba’, ja’ kantos abdidalem noro’ reng-oreng se daraka ja’ kantos abdidalem noro’ neddha manabi reng-oreng jahat gapaneka apesta.

5Manabi oreng se sae maemot abdidalem, kalaban ate se ehlas ca’-ngoca’e abdidalem, ka’dhinto marabut mennya’ se paleng sae ka abdidalem. namong abdidalem ta’ narema’a panghormadanna oreng jahat, sabab abdidalem terros adu’a nolak kajahadanna reng-oreng gapaneka.

6Manabi para pangobasana reng-oreng gapaneka ebantengngagi dhari gir-penggirra jurang bato se durjet, tanto reng-oreng gapaneka ngakone ja’ oca’ abdidalem pajat lerres.

7Lang-tolangnga reng-oreng gapaneka bakal etabura e penggirra koburan akadi bato se epalejjar e tana.

8Namong Junandalem teptep daddi pangarep abdidalem, Guste ALLAH, Pangeran kaula, ja’ kantos abdidalem mate sabab abdidalem ngaop ka Junandalem.

9Palopottagi abdidalem dhari jira’ sareng jebbak se epasang reng-oreng jahat.

10Moga reng-oreng gapaneka eparengngana tabalusok ka jira’na dibi’, namong abdidalem moga salamedda.


  Share Facebook  |  Share Twitter

 <<  Mazmur 141 >> 


Bahan Renungan: SH - RH - ROC
Download
Alkitab ANDROID
Kamus Alkitab
Kamus Bahasa
Kidung Jemaat
Nyanyikanlah Kidung Baru
Pelengkap Kidung Jemaat
Alkitab.mobi
Copyright
© 2010-2022
Alkitab.SABDA.org

Android.SABDA.org
SABDA.mobi
Bantuan
Dual Panel

Laporan Masalah/Saran