Alkitab Mobile SABDA
[VER] : [MONGONDOW]     [PL]  [PB] 
 <<  Yohanes 16 >> 

1Tua komintan pota'au-Ku ko'i monimu simbaí diaí mobaḷui im pirisaya monimu.

2Mo'ikow poḷuaionbií nongkon baḷoi mita pososambayangan. Bo mo'iangoibií in wakutunya kon intau inta molimod ko'i monimu mosangka kon sia tua in dinumuduibií kom parentah i Allah.

3Tua aidan monia ko'inimu sin diaípa kinota'auan monia ing ki Amaí andeka Aku'oi.

4(16-4a) Ta'e tana'a muna-Kudon pota'au ko'i monimu, simbaí aka tua mobaliídon kon singgai mo'iduduimai, kotoropandon monimu kon tua aindon pinota'au-Ku ko'i monimu. (16-4b) "Soaáḷ tana'a diaíbií pinoguman-Ku ko'i monimu nongkon pinomangkoianmai, sin Aku'oi kotaki-takinpa monimu.

5Ta'e tana'a Aku'oi mayakdon ko'i-Nia inta ain nopotabaí mangoi ko'i-Nakoí; bo diaí tobatuímai intau kon sigad monimu im moliboí kon onda im bayaían-Ku.

6Mala tana'a moaíjarbií ing gina monimu sim pinota'au-Kudon intua ko'inimu.

7Ta'e totu'ubií im poguman-Ku tana'a ko'i monimu: Totokbií i mopia ko'i monimu aka mayak in Aku'oi, sin aka Aku'oi diaí mayak, yo diaíbií mamangoi ko'i monimu im mototuḷung tatua. Ta'e aka Aku'oi mayak daí potabaí-Kubií mangoi in Sia ko'i monimu.

8Aka Sia mamangoi yo ponyata-Nyabií kon dunia na'a mangale sabanarnya in dosa, nongkon onu inta totu'u, bo nongkon hukuman i Allah.

9Ponyata-Nyabií kon aka diaí mopirisaya ko'i-Nakoí tua in dosabií;

10Ponyata-Nyabií doman kon Aku'oi na'a in totu'ubií, sin Aku'oi mayak ko'i Amaí bo diaí bidon ontongon monimu in Aku'oi.

11Poguman-Nya doman kong ki Allah momangkoidon mohukum, sim mongongawasa kon dunia na'a ihukumdon.

12Mobayongpabií im musti poguman-Ku ko'i monimu, ta'e tana'a makow diaípa mokosanggup i mo'ikow motarima kon tua mita.

13Ta'e aka Roho tatua mamangoi, ki Inta moponyata ing kabanaran soaáḷ ki Allah, yo diaan-Nyabií im mo'ikow bo tunduíon monota'au kom bayongan kabanaran tatua. Sin Sia in diaíbií mosingog podudui in ibog-Nya tontanií, ta'e mogumanbií kon onu in dinongog-Nya, bo poguman-Nyabií ko'inimu onu im mobalií kon singgai mo'iduduimai.

14Sia i mopoḷantudbií ko'i-Nakoí, sin onu im popota'au-Nya ko'inimu, sinarima-Nyabií nongkon i-Nakoí.

15Bayongan inta koi Amaí tua Aku'oibií doman ing kitogi. Tuamai Aku'oi moguman kon onu im pinota'au in Roho tatua ko'i-Nimu in sinarima-Nyabií nongkon i-Nakoí."

16"Diaídon mo'onggot bo diaídon mo'ikow moko'ontong ko'i-Nakoí, naí doman tua diaídon mo'onggot po'indoian makow monimu ko'i-Nakoí."

17Nokodongogmai kon natua, tongonumai i murií-Nya nosiliboían mongo onu im makusud-Nya noguman: "Diaí bidon mo'onggot bo diaídon mo'ikow moko'ontong ko'i-Nakoí, bo diaídon doman mo'onggot po'indoian monimu ko'i-Nakoí. Bo Aku'oi i mayak ko'i Amaí?"

18Mosia umuran moliboí, "Onu im mangalenya, 'diaídon mo'onggot'? Diaí komangalean naton mongo onu in o'umanon-Nya tanion!"

19Kinota'auanbií i Yesus kom mosia mo'ibog moliboí ko'i-Nia. Daí tuamai Sia noguman, "Ko'ina Aku'oi noguman, diaídon mo'onggot, mo'ikow bo diaídon moko'ontong ko'i-Nakoí, bo diaí domandon mo'onggot po'indoian monimu ko'i-Nakoí.' Tua degaí inta o'umanonmai monimu mongo onu im makusudnya?

20Poguman-Kudon ko'i monimu, mo'ikow nion i mongombaḷbií bo mogamui, ta'e mopiabií ing gina in dunia na'a. Moaíjarbií ing gina monimu, ta'e ajar ing gina monimu tua mobaḷuibií sanang ing gina.

21Aka bobay inta motoyongdon mononggadií, moaíjardon ing ginanya, sin wakutunyadon mokorasa kon yoyiga. Ta'e naonda ing ki adiínya mo'ilahirdon, koliongan bidon im bobay tatua in yoyiganya sin lantaran pia ing ginanya sin adií tatua no'ilahirdon kon dunia.

22Natuabií doman im mo'ikow: Tana'a makow moaíjarpabií ing gina monimu, ta'e buipabií in Aku'oi moyodungkuḷ monimu, daí mopiabií ing gina monimu; bo diaíbií tobatuímai intau mota'au mogamaí kon sanang ing ginamu tatua.

23Kon singgai tatua, mo'ikow diaí bidon moliboí kon onu bo onu ko'i-Nakoí. Poguman-Kudon ko'i monimu: Onukabií in igumon monimu ko'i Amaí podoyon kon tangoi-Ku, ogoibií i Amaí intua ko'i monimu.

24Uma'ai in tana'a makow, mo'ikow diaípa dodai onda no'igum kon onu bo onu pinongin tangoi-Ku. Po'igumdon, daí motarimabií im mo'ikow, simbaí sanang ing ginamu mosempurnadon.'"

25"Na'a komintan poguman-Ku ko'i monimu takin momakeí in oaíndaian. Ta'e mo'iangoibií in wakutunya, Aku'oi diaídon momakeí in oaíndaioan, ta'e poguman-Ku bidon taran-tarangan ko'i monimu soaáḷ ki Amaí.

26Kon wakutudon tuata mo'ikow mo'igum ko'i Amaí podoyon kon tangoi-Ku; Pokota'audon, Aku'oi diaíbií mo'igum ko'i Amaí sin ogoi ko'i monimu,

27sing ki Amaí i motabibií ko'i monimu. Sia motabibií ko'i monimu sim mo'ikow motabi ko'i-Nakoí, bo mopirisaya kon Aku'oi namangoi nongkon i Allah.

28Tot'ubií kon Aku'oi na'a in nongkon i Amaíbií, bo ain namangoi in dunia. Ta'e tana'a taḷaían-Kudon in dunia sim mobuidon ko'i Amaí."

29Bo murií-Nya mita noguman ko'i Yesus, "Indoiaikah daí tana'a ki Tuhan taran-tarangandon diaídon nomakeí in oaíndaian,

30bo kinota'auan bidon nami kom bayongan yagi-yagi kinota'auanbi' i Tuhan. diaí bidon paraḷu intau moliboí kon onu bo onu ko'i Tuhan. Tuamai kami mopirisayabií kong ki Tuhan namangoibií nongkon i Allah."

31Daí ki Yesus noliboí: "Daí mopirisayadon mo'ikow in tana'a?

32Pokotorop! Mo'iangoibií in wakutunya, sedang bo no'iangoi bidon, mo'ikow poyayiton. Mo'ikow mobuidon kom baḷoinya-baḷoinya bo taḷaíandon monimu in Aku'oi. Ta'e Aku'oi in diaíbií tongaí Aku-Aku'oi mita, sin ki Amaí ing kotaki-takin-Kubií.

33Na'a komintan poguman-Ku simbaí mo'ikow moko'ulií kong kobiagan motompia bo mo'onow lantaran notobatuí-Kudon. Kon dunia na'a moyoyangpabií im mo'ikow, ta'e korotonbií ing ginamu, sin Aku'oi in diaíbií taḷowon in dunia na'a!"


  Share Facebook  |  Share Twitter

 <<  Yohanes 16 >> 


Bahan Renungan: SH - RH - ROC
Download
Kamus Alkitab
Kamus Bahasa
Kidung Jemaat
Nyanyikanlah Kidung Baru
Pelengkap Kidung Jemaat
Alkitab.mobi
© 2010-2020
Alkitab.SABDA.org

Android.SABDA.org
SABDA.mobi
Bantuan
Dual Panel

Laporan Masalah/Saran