Alkitab Mobile SABDA
[VER] : [NIAS]     [PL]  [PB] 
 <<  1 Korintus 1 >> 

1Ira talifusõ banua Lowalangi ba Gorindro! Ya'ami zi no tefili tobali banua Lowalangi ni'oniagõ, bõrõ me okhõta Yesu Keriso ami! Si manõ gõi ndra talifusõ gofu heza so zamosumange So'aya ya'ita Yesu Keriso, So'aya ba khõra ba So'aya ba khõda gõi fefu. Ya'odo, Faulo ba talifusõda Sotene, manõtõna ndra'aga wa Amada Lowalangi ba So'aya ya'ita Yesu Keriso zamuala khõmi howuhowu ba fa'ohahau dõdõ khõ-Nia. Usura zura andre ba wa'asinenge Yesu Keriso, nifataro Lowalangi samõsa ba somasi dõdõ-Nia gõi.

2(1:1)

3(1:1)

4Lõ mamalõ u'andrõ saohagõlõ khõ Lowalangi ba khõmi, bõrõ me no mitema wa'ebua dõdõ soroi Lowalangi ba khõ Yesu Keriso.

5Me tana khõ Keriso ami, andrõ wa si fahõna wa'aurimi ba ngawalõ hadia ia. Abakha sibai wa'atuatuami ba zoya ngawalõ fefu ba onekhe ami wamahaõ fa'atuatua andrõ.

6Da'õ zangoroma wa no mangurakha ba dõdõmi duria Keriso andrõ.

7Irege lõ ambõ ami howuhowu fatua mibaloi wa'atohare Zo'aya ya'ita Yesu Keriso, ba la'ila ami fefu niha.

8Keriso samõsa zanga'aro'õ ya'ami irugi gamozua; ena'õ na mangawuli Ia dania, lõ hadia ia sinegu nisõndra-Nia khõmi.

9Tola mifaduhusi tõdõ Lowalangi. No Ya'ia Lowalangi si no mogaoni ya'ami tobali ha sambua ba khõ Nono-Nia, Yesu Keriso, So'aya ya'ita.

10He ya'ami ira talifusõ! Ba dõi Zo'aya ya'ita Yesu Keriso, u'andrõ khõmi ena'õ si ha sara tõdõ ami; ena'õ bõi so wa'aboto dõdõ ba gotaluami. Akha ha sambua ami ba dõdõ ba ba wangerangera.

11La'ombakha'õ khõgu ira talifusõ moroi ba zoroiyomo Kheloe wa so wakarasa ba gotaluami.

12Sedõna uw̃a'õ ya'ia da'õ wa so ba gotaluami zanguma'õ, "Solo'õ Faulo ndra'odo," so gõi zanguma'õ, "Solo'õ Afolo ndra'odo," ba lamane niha bõ'õ, "Khõ Wetero u'o'õ," ba lamane nasa tanõ bõ'õ, "Solo'õ Keriso ndra'odo."

13Hewisa wa mubagibagi Keriso? Tenga Faulo zi mate ba rõfa salahimi! Ba tenga gõi ena'õ tobali solo'õ khõ Waulo ami wa tebayagõ idanõ ami, lõ?

14U'andrõ saohagõlõ me samõsa lõ nibayagõgu idanõ ba gotaluami, baero Gerifo ba Gayo andrõ.

15Samõsa bõi so zanguma'õ wa no ubayagõ idanõ ia ena'õ tobali solo'õ ya'o.

16(Ee, ya'ia da'õ! Sitefana ba si sambua omo ya'ira no ya'o zombayagõ idanõ. Baero da'õ, na lõ olifudo lõ hadõi sa'ae nibayagõgu idanõ.)

17Ifatenge ndra'o Keriso tenga ba wombayagõ idanõ niha, no ba wame'e Turia Somuso Dõdõ soroi Lowalangi; ba hiza lõ tola lõ ulau da'õ tenga si fao fa'onekhe ba wahuhuo dali niha, ena'õ lõ tobali zayazaya gõlõ wa'abõlõ moroi ba wa'amate Keriso ba rõfa.

18No teatea mbewe duria wa'amate Keriso andrõ ba niha sedõna tekiko. Ba hiza, ba khõda ni'orifi Lowalangi, turia andrõ ba no lala Lowalangi wangoroma kuaso-Nia.

19No Iw̃a'õ Lowalangi ba Mbuku Ni'amoni'õ, "Ufawukaisi wa'atuatua niha satuatua, ba uheta wa'onekhe niha sonekhe."

20Lau, hadia guna niha satuatua andrõ? Hadia guna wa onekhe ira? Hadia guna zagatuatua ba ginõtõ andre? No I'oroma'õ Lowalangi wa no fa'abodo manõ wa'atuatua gulidanõ andrõ!

21Gofu hewisa wa'atuatua niha, ba tebai aboto ba dõdõnia Lowalangi na ha fa'atuatuania manõ. Ba me no satuatua Lowalangi, andrõ wa omasi Ia I'orifi niha si faduhu tõdõ khõ-Nia ba duria andrõ si no teatea mbewe ba niha gulidanõ.

22La'andrõ sibai dandra sahõlihõli dõdõ ira niha Yahudi si tobali fangoroma, ba la'alui niha Yunani wa'atuatua gulidanõ andre.

23Ba ha Yesu Keriso si mate ba rõfa nituriaigõda andre. Tetutu dõdõ ndra niha Yahudi ba duria andrõ, ba labali'õ fa'abodo soi si tenga niha Yahudi.

24Ba ba niha si no Ikaoni Lowalangi -- he niha Yahudi ba he si tenga niha Yahudi -- turia andrõ no lala khõ Lowalangi wangoroma'õ kuaso ba fa'atuatua-Nia.

25Bõrõ me si bodo ba khõ Lowalangi, abõlõ atuatua moroi ba wa'atuatua niha gulidanõ; ba si lõ abõlõ khõ Lowalangi, ba no abõlõ moroi ba wa'abõlõ niha.

26He ya'ami ira talifusõ! Mitõrõ tõdõmi hewisa ami me Ikaoni ami Lowalangi. Ha mato ma'ifu ba gotaluami zatuatua, ma si so fa'abõlõ, ma si so ba dadaoma zalaw̃a molo'õ fa'aniha.

27Ba hiza, no I'odõdõgõ Lowalangi wamili si bodo ba gulidanõ andre, ena'õ te'ailasi zatuatua. Si manõ gõi wa Ifili zi lõ fa'abõlõ molo'õ ulidanõ andre, ena'õ te'ailasi zabõlõ andrõ.

28Ifili Lowalangi zi lõ guna ba ni'ositengagõ niha gulidanõ, ena'õ Ifakiko Lowalangi zabõlõ moguna iw̃a'õ ulidanõ andre.

29Bõrõ da'õ tebai ifayaw̃a'õ ia niha fõna Lowalangi.

30Lowalangi samõsa mbõrõ wa tobali ha sambua ami ba khõ Keriso Yesu. Ba khõ Keriso Ibali'õ atuatua ita Lowalangi. Ba ba khõ Keriso gõi Ihaogõ mangawuli gamakhaitada Lowalangi ba khõ-Nia, Ibali'õ ita banua ni'oniagõ khõ-Nia ba I'amualagõ khõda wangefa.

31Tobali, si mane si no musura ba Mbuku Ni'amoni'õ, "Na so zanuno ya'ia, ya musuno ia ba zi no Ifalua Lowalangi."


  Share Facebook  |  Share Twitter

Download Audio MP3 (1 Korintus 1):
Mobile (Low Quality) - CD (High Quality)

 <<  1 Korintus 1 >> 


Bahan Renungan: SH - RH - ROC
Download
Kamus Alkitab
Kamus Bahasa
Kidung Jemaat
Nyanyikanlah Kidung Baru
Pelengkap Kidung Jemaat
Alkitab.mobi
© 2010-2020
Alkitab.SABDA.org

Android.SABDA.org
SABDA.mobi
Bantuan
Dual Panel

Laporan Masalah/Saran