Alkitab Mobile SABDA
[VER] : [SIMALUNGUN]     [PL]  [PB] 
 <<  Ayub 37 >> 

Ujung ni Sahap ni si Elihu:; Hamuliaon ni Naibata na Ibagas Alam

1“Tongon tene, pala do manlobuk taroktokku halani ai, anjaha lumpat humbani iananni.

2Tangar, tangar nasiam ma pardorom ni sora-Ni, ampa sora na luar hun pamangan-Ni.

3Ipaturut do sora-Ni ai marguling-guling i toruh ni ganup langit in, anjaha hilap-Ni ai das hu ujung ni tanoh on.

4Irik hujai mardorom ponggei-Ni, marsora Ia marhitei sora ni hajombuton-Ni, anjaha seng ijolomi hilapni sanggah tarbogei sora-Ni.

5Marsangap do Naibata marhitei ponggei-Ni na jombut tumang, Ia do mambahen habanggalon, na so tararusi hita.

6Ia do mangkatahon hubani salju, ʻTurun ho hu tanoh!ʼ hubani udan habahaba ampa udan, ʻGobas ma!ʼ

7Ia do na manokan ganup tangan ni jolma, ase ganup jolma na tinompa-Ni manandai pambahenan-Ni.

8Laho do binatang-binatang hu parponopanni, anjaha manggompang ibagas liangni.

9Roh do halisungsung humbani kamarni, anjaha na borgoh roh humbani logou.

10Marhitei hosah ni Naibata roh es, himpang gabe bah na bolag.

11Boratan do hombun ibahen bani udan, Ia do mangerapkon hombun-Ni na marisi hilap ai.

12Ia do pahusor-husorhon hombun ai marguru bani panogu-Ni, laho pasaudkon na pinarentahkon-Ni bani sidea i sab dunia on.

13Barang bahen uhuman bani dunia-Ni, barang bahen tuah mambahen ipalopas ai masa.

14Tangar ham ma in Job, soh ham lobei, anjaha parimbagaskon ham ma halongangan, na binahen ni Naibata.

15Ai ibotoh ham do, naha pangondoskon ni Naibata parentah-Ni bani sidea, anjaha naha ase marsinalsal hombun-Ni marhitei hilap?

16Iarusi ham do parmayap-ayap ni hombun ai ampa horja halongangan ni Parpambotoh Na Gokan Dear in?

17Ham, na dob mohopan ibahen pakeianmu, anggo masip tanoh on halani logou na hun dangsina,

18ham do hasoman-Ni paherbangkon langit ai, jonam songon sormin na tinuang?

19Ajarhon ham ma bennami sihatahononnami bani; aha pe lang tarpajojor hanami halani hagolapan ni uhurnami.

20Adong do nani na palumbahonsi, anggo sihol marsahap ahu? Adong do nani jolma na marsura-sura sihol magou ia?

21Tongon sonari seng naidah sinalsal ni mata ni ari, halani ilingodi hombun sinalsalni in; sompong montas ma logou, gabe torang ma use ibahen.

22Hun utara do roh sinalsal na maromas, hamuliaon na majombut do manginggoti Naibata.

23Pargogoh Na So Tarimbang in seng tarjumpahi hita Ia; parhagogohon banggal do Ia anjaha parhabonaron, seng ra Ia papeolhon uhum.

24Halani ai, talup do Ia habiaran ni jolma; seng kawahkonon-Ni halak na mangahap pentar ia.”


  Share Facebook  |  Share Twitter

 <<  Ayub 37 >> 


Bahan Renungan: SH - RH - ROC
Download
Kamus Alkitab
Kamus Bahasa
Kidung Jemaat
Nyanyikanlah Kidung Baru
Pelengkap Kidung Jemaat
Alkitab.mobi
© 2010-2021
Alkitab.SABDA.org

Android.SABDA.org
SABDA.mobi
Bantuan
Dual Panel

Laporan Masalah/Saran