Alkitab Mobile SABDA
[VER] : [SIMALUNGUN]     [PL]  [PB] 
 <<  Ibrani 1 >> 

Sahap ni Naibata Marhitei Jesus, Anak-Ni in

1Gati anjaha bagei do sapari dalan ni Naibata mamparsahapkon ompungta marhitei nabi-nabi in,

2tapi bani panorang parpudi on iparsahapkon do hita marhitei Anak-Ni, ai ma na pinabangkit-Ni gabe sitean haganup, parhiteian-Ni homa manompa sagala na adong.

3Sinalsal ni hasangapon-Ni ampa usihan ni hadirion-Ni do Ia, anjaha Ia do na manatang haganup na adong in marhitei hata-Ni na marhagogohon in. Dob iadongkon haborsihon humbani sagala dousa, laho do Ia hundul hu siamun ni Hamuliaon in, na i babou ai.

4Songon lobih ni goran na tinean-Ni ai humbani goran ni sagala malekat, sonai do surung ni hasangapon-Ni humbani sidea.

Lobih ni Kristus Martimbangkon Malekat

5Ai hubani malekat na ija ma ongga ihatahon, “Anakku do ho, sadari on do ho hutubuhkon?” Dob ai use, “Ahu do gabe Bapa bani, anjaha Ia anak Bangku?”

6Anjaha, sanggah na sihol arahkonon-Ni hu dunia on Anak-Ni, na parlobei tubuh in, ihatahon do, “Maningon do manrogop hu lobei-Ni sagala malekat ni Naibata.”

7Tongon, ihatahon do pasal malekat, “Ia mambahen logou malekat-Ni, apuy na marjimbur-jimbur do juakjuak-Ni.”

8Tapi ihatahon do pasal Anak in, “Ronsi sadokah ni dokahni do paratas-Mu, Ham Naibata, tungkot hapintoron do tungkot ni harajaon-Mu.

9Holong do uhur-Mu bani hapintoron anjaha magigi bani na salah, halani ai do ase iminakkon Naibata-Mu minak malas ni uhur Bamu, Ham Naibata, lobih humbani hasoman-Mu.”

10Ihatahon do homa, “Ham do, ale Tuhan, na pajonam tanoh on bani mulani, anjaha jadi-jadian ni tangan-Mu do langit in.

11Magou do ganupan in use, tapi totap do anggo Ham, laho buruk do in ganup songon hiou.

12Sorpihon-Mu do in ganup songon baju mantel, gabe mubah ma, tapi anggo Ham, totap do, anjaha tahun-Mu pe seng marujung.

13Tapi bani malekat na ija ma ongga ihatahon, “Hundul ma ho hu siamunkon, paima hubahen munsuhmin sidogeian ni naheimu?”

14Ai lang tonduy siparugas do sidea haganup, na sinuruh mangidangi halani sitean haluahon in?


  Share Facebook  |  Share Twitter

 <<  Ibrani 1 >> 


Bahan Renungan: SH - RH - ROC
Download
Alkitab ANDROID
Kamus Alkitab
Kamus Bahasa
Kidung Jemaat
Nyanyikanlah Kidung Baru
Pelengkap Kidung Jemaat
Alkitab.mobi
Copyright
Alkitab.SABDA.org
Android.SABDA.org
SABDA.APP
BaDeNo
Bantuan
Dual Panel Dual Panel