Alkitab Mobile SABDA
[VER] : [SIMALUNGUN]     [PL]  [PB] 
 <<  Kidung Agung 3 >> 

1Bani podomanku, borngin-borngin, hupindahi do haholongan ni uhurhu. Hupindahi do ia, tapi seng jumpah ahu.

2Puho ma ahu, husiar ma huta in inggot, dalan-dalan ampa alaman, pindah-pindah ahu bani haholongan ni uhurhu. Hupindahi do ia, tapi seng jumpah ahu.

3Jumpah si panrunda do ahu, sidea na manrunda i huta ai, “Haholongan ni uhurhu, adong tarpaidah nasiam?”

4Ai pe lopus ahu humbani sidea, jumpah ahu ma haholongankai, hutangkap ma ia, seng be hupaluah, paima hutaruhkon ia hu rumah ni inangku, masuk hu kamar ni na mantubuhkon ahu.

5Hupabija ma nasiam, ale boru Jerusalem, hubani balua ampa hubani ursa boru-boru na i talun: Ulang ma iganggu atap ipuhoi na marsihaholongan paima sombuh uhurni.

6Aha do in, na tangkog hun halimisan, na songon tiang timus, na iparium marhitei mir ampa dahupa; ai ma bagei ni rium-riuman ni sipartiga-tiga.

7Tonggor ma, ai ma pangusungan bani si Salomo. Onom puluh halak do na manlioti ia, humbani puanglima-puanglima ni Israel,

8haganup sidea marpodang anjaha na somal marporang; ganup do sidea mangkalhal bani binongeini, manlawan na manginggoti borngin-borngin.

9Ipadear Raja Salomo do pangusungan bani ai ma humbani hayu Libanon.

10Ibahen do naheini humbani pirak, pangunsandeanni humbani omas, hundulanni humbani hiou hasumba anjaha humbagas ilampis bani hayu sibirong.

11Luar ma nasiam, ale boru Sion! Tonggor ma Raja Salomo, marsortali, na sinortalihon ni inangni bani, sanggah panorang parunjukonni, bani ari malas ni uhurni.



Studi Alkitab dengan AI: Chat dengan Alkitab GPT.

Studi lengkap, silahkan lihat: Alkitab SABDA.
Dengar dan baca Alkitab Karaoke, silahkan kunjungi: Alkitab Karaoke.
Rencana Multimedia Baca Alkitab: BaDeNo.

 <<  Kidung Agung 3 >> 


Bahan Renungan: SH - RH - ROC
Download
Alkitab ANDROID
Kamus Alkitab
Kamus Bahasa
Kidung Keesaan
Kidung Jemaat
Nyanyikanlah Kidung Baru
Pelengkap Kidung Jemaat
Alkitab.mobi
Copyright
Alkitab.SABDA.org
Android.SABDA.org
SABDA.APP
BaDeNo
Alkitab GPT
Bantuan
Dual Panel Dual Panel