Dual PanelDoruh-doruh humbani Hasosakan na Bagas
1Doding laho tangkog. Humbani hasosakan bagas do ahu, doruh-doruh Bamu, ale Jahowa.
2Ham Tuhan, tangihon Ham ma sorangku, sai ipardiatei pinggol-Mu ma sora ni elek-elekkon.
3Anggo ihira Ham ganup dousa, ale Jahowa, ise ma na tahan jongjong, ale Jahowa?
4Tapi Bamu do hasasapan ni dousa, ase ihabiari halak Ham.
5Mangarap do ahu bani Jahowa, mangarap do tonduyhu, hata-Ni do na hupaima-ima.
6Siholan do tonduyhu bani Tuhan, lobih humbani sihol ni parjaga bani siang ni ari, bani siang ni ari tongon.
7Arapkon ma Jahowa, ale Israel! Ai bani Jahowa do idop ni uhur, anjaha buei do haluahon Bani.
8Tongon, Ia do na paluahkon Israel, humbani haganup dousani.