Alkitab Mobile SABDA
[VER] : [SIMALUNGUN]     [PL]  [PB] 
 <<  Mazmur 141 >> 

Tonggo Mangindo Panramotion humbani na Jahat

1Psalm humbani si Daud. Ham Jahowa, dilo-dilo do ahu Bamu, tarolos ma Ham roh bangku; tangar Ham ma sorangku sanggah dilo-ilo ahu Bamu!

2Doskon dahupa ma tonggongku i lobei-Mu, anjaha panatang ni tanganku songon galangan bodari.

3Bahen Ham ma, ale Jahowa, panjaga bani pamanganku, anjaha ramotkon Ham ma labah ni bibirhu.

4Sai ulang ma lopas Ham teleng uhur hubani na jahat, laho mandalankon horja hajahaton rap pakon halak sihorjahon na masambor; ulang ma lopas Ham ahu mangan humbani sipanganon ni sidea na mantin.

5Anggo ibogbog anjaha iuhum halak parpintor ahu, holong do ai bangku, tapi minak ni halak parjahat ulang ma dais bani ulungku, ai mangimbang hajahaton ni sidea do tongtong tonggongku.

6Anggo iondoskon sidea bani halak na manguhum sidea, jadi botohon ni sidea ma na sintong do hata ni Jahowa.

7Songon hayu na itaha, mangkamistak ompak-ompak i tanoh, sai sonai ma merap holi-holi ni sidea bani babah ni nagori toruh.

8Tapi Bamu do, ale Tuhan Jahowa, mangkawah matangku; Bamu do ahu maporus, ulang ma useihon Ham tonduyhu.

9Ramotkon Ham ma ahu humbani jarot, na tinaon ni sidea bangku, ampa humbani tirangkap ni parjahat.

10Sai madabuh ma raprap halak parjahat hubagas godung ni sidea, tapi anggo ahu lopus ma hunjai.


  Share Facebook  |  Share Twitter

 <<  Mazmur 141 >> 


Bahan Renungan: SH - RH - ROC
Download
Alkitab ANDROID
Kamus Alkitab
Kamus Bahasa
Kidung Jemaat
Nyanyikanlah Kidung Baru
Pelengkap Kidung Jemaat
Alkitab.mobi
Copyright
© 2010-2022
Alkitab.SABDA.org

Android.SABDA.org
SABDA.mobi
Bantuan
Dual Panel

Laporan Masalah/Saran