Alkitab Mobile SABDA
[VER] : [SIMALUNGUN]     [PL]  [PB] 
 <<  Mazmur 63 >> 

Sihol ni Uhur bani Naibata

1Psalm ni si Daud sanggah i halimisan Juda ia. (63-2) Ale Naibata, Ham do Naibatangku, na hupindahi, horahan do tonduyhu Bamu, siholan do dagingku Bamu songon tanoh na dorging anjaha na horah, na so marbah.

2(63-3) Sonai do i rumah-Mu na pansing in mangkawah ahu Bamu, sihol mangidah hagogohon-Mu ampa hamuliaon-Mu.

3(63-4) Ai idop ni uhur-Mu dearan do ai ase hagoluhan; sai pujion ni bibirhu do Ham.

4(63-5) Sonai ma, sihol do pujionku Ham sadokah ahu manggoluh, marhitei goran-Mu hupaherbang do tanganku dompak datas.

5(63-6) Bosur do tonduyhu songon pambahen ni taboh-taboh ampa utok-utok ni holi-holi, marhitei bibir na marolob-olob mamuji-muji pamanganku.

6(63-7) Sanggah hudingat Ham bani podomanku, marpingkir-pingkir pasal Ham sadokah runda borngin,

7(63-8) Ham do pangurupi bangku ijai, anjaha tarbahen ahu marolob-olob ibagas linggom ni habong-Mu.

8(63-9) Sai longkot do uhurhu Bamu, tangan-Mu siamun do na manjolom ahu.

9(63-10) Tapi anggo sidea na manguhurhon hosahku, sai turun do sidea hu nagori toruh.

10(63-11) Ondoskonon do sidea bani mata ni podang, gabe panganon ni sorigala do sidea.

11(63-12) Tapi raja in marmalas ni uhur do ibagas Naibata; Marolob-olob do sagala na marbulawan hu Bani, ai sipasipon do babah ni halak sihatahon ladung.


  Share Facebook  |  Share Twitter

 <<  Mazmur 63 >> 


Bahan Renungan: SH - RH - ROC
Download
Alkitab ANDROID
Kamus Alkitab
Kamus Bahasa
Kidung Jemaat
Nyanyikanlah Kidung Baru
Pelengkap Kidung Jemaat
Alkitab.mobi
Copyright
© 2010-2022
Alkitab.SABDA.org

Android.SABDA.org
SABDA.mobi
Bantuan
Dual Panel

Laporan Masalah/Saran