Dual PanelOjur-ojur Pasangap Jahowa ampa Mambalosi-Si
1Eta, dodingkon hita ma Jahowa, olobkon hita ma dolog batu, hatuahonta in.
2Roh ma hita hu lobei-Ni marhasoman puji-pujian, olobkon hita ma Ia marhitei doding.
3Ai Naibata na banggal do Jahowa, Raja Na Bolon, siatasi sagala naibata-naibata.
4Ibagas kuasa-Ni do luhung ni tanoh, anjaha gok Bani do pakpak ni dolog.
5Ia do simada laut anjaha Ia do na manompa ai, anjaha tanoh darat, tangan-Ni do na manjadihon ai.
6Masuk ma hita, manrogop anjaha marsombah; manrogop ma hita i lobei ni Jahowa, Sitompa hita.
7Ai Ia do Naibatanta, anjaha hita bangsa pinarmahan-Ni, biribiri tinogu-togu ni tangan-Ni. Ah, sadari on ma namin itangihon hanima sora-Ni!
8Ulang ma pahengkeng hanima uhurnima, songon na i Meriba, songon bani ari na i Massa, i halimisan,
9sanggah ni lajou ni ompungnima Ahu, niuji ni sidea ai Ahu, age pe dob ididah pambahenan-Ku.
10Ompat puluh tahun dokahni sai sogam do uhur-Hu bani bangsa on, jadi ningku ma, “Bangsa paruhur na kahou do sidea, seng itandai sidea dalan-Ku.”
11Halani ai marbija do Ahu ibagas ringis-Ku: Seng malo masuk sidea bani parsaranan-Ku.