Alkitab Mobile SABDA
[VER] : [SIMALUNGUN]     [PL]  [PB] 
 <<  Nahum 2 >> 

Tartaban Huta Ninive anjaha Iparseda

1(2-2) Domma tangkog dompak ho pamerapkon! Jaga ma benteng ai! Marjaga-jaga ma i dalan, mamonting bei ma, pakei ma gogohmu!

2(2-3) Ai Jahowa do pasuangkon hayu anggur ni Jakob songon hayu anggur ni Israel; ai domma irampok panrampok sidea, anjaha iparseda rantingni.

3(2-4) Gerger do gantar-gantar ni puanglimani, marbaju hasumba do balani. Marlinang songon apuy gareta-garetani bani ari parbingkatni, anjaha iawas-awaskon tanja.

4(2-5) Marpojong gareta-gareta i dalan, marhujai-hujon i tanoh lapang; rupani songon rigapan, anjaha songon hilap pardetesni.

5(2-6) Idingat raja ai ma puanglimani, hape marsijombaan do sidea bani nilangkahkonni bei; tarolos sidea marayak tembok, hape domma sonson onding-onding partahanan.

6(2-7) Mungkab ma horbangan na bani bah banggal ai, jadi gobir ma istana ai.

7(2-8) Ipasalang ma raja naboru ai anjaha iboan hu habuangan; gabe songon parturtu ni kuhuy ma partangis ni jabolonni naboru, anjaha ibogbogi bei tontonni.

8(2-9) Songon bongbongan ma Ninive, na mabaor bahni. “Soh! Soh!” Nini sidea, tapi sahalak pe lang adong be na ra mulak.

9(2-10) Buati ma pirak in, buati ma omas in! Ai lang marnabois arta ai, sumbang tumang bagei-bagei ni na maharga.

10(2-11) Lumei! Halumeion ampa hasiapon! Atei-atei na madotei ampa towod na hitir-hitir! Gobir sagala binongei, anjaha marposi sagala bohi.

11(2-12) Ija do nuan ianan ni singa ondi ampa liang ni singa, ai ma parponopanni, anjaha aha pe lang na mangganggusi ijai?

12(2-13) Ija do nuan singa ai, na manoroh ase sungkupan anakni, anjaha na mamongkiki sisorohanni bani boru-boruni, na manggoki liangni bani sorohanni ampa iananni bani na pinarsirakni?

13(2-14) “Tonggor ma, marlulu do Ahu dompak ho,” nini Jahowa Zebaot; “martimpul ma bahenon-Ku timus ni garetamu, anjaha bois ma bahenon singa poso-posomu marhitei podang. Siapkonon-Ku ma sorohanmin hun tanoh on, anjaha seng be tarbogei sora ni suruhanmu.”



Studi Alkitab dengan AI: Chat dengan Alkitab GPT.

Studi lengkap, silahkan lihat: Alkitab SABDA.
Dengar dan baca Alkitab Karaoke, silahkan kunjungi: Alkitab Karaoke.
Rencana Multimedia Baca Alkitab: BaDeNo.

 <<  Nahum 2 >> 


Bahan Renungan: SH - RH - ROC
Download
Alkitab ANDROID
Kamus Alkitab
Kamus Bahasa
Kidung Keesaan
Kidung Jemaat
Nyanyikanlah Kidung Baru
Pelengkap Kidung Jemaat
Alkitab.mobi
Copyright
Alkitab.SABDA.org
Android.SABDA.org
SABDA.APP
BaDeNo
Alkitab GPT
Bantuan
Dual Panel Dual Panel