Alkitab Mobile SABDA
[VER] : [SIMALUNGUN]     [PL]  [PB] 
 <<  Pengkhotbah 8 >> 

Pasal Pambalosion

1Ise do doskon halak na pentar in? Anjaha ise do na mambotoh hatorangan pasal haganup? Hapentaran ni sada jolma do mambahen lihar bohini, anjaha koras ni bohini mubah do.

2Ahu mangkatahon, dalankon ma parentah ni raja, ampa hata na dob binulawankonmu bani Naibata.

3Ulang ma maurahtu ho padaohkon diri hun bani, anjaha ulang ma magolgoltu ho bani parkara na so madear, ai aha rosuh ni uhurni, ai do ibahen.

4Ia parentah ni raja gok kuasa do; ise ma na pag mangkatahon dompaksi, “Aha do na binahenmu in?”

5Ise na mandalankon parentah, seng dageionni na masambor, ai ibotoh halak na pentar do pasal panorangni pakon uhumanni.

6Ai bani haganup adong do panorang ampa uhumanni, anjaha hasamboron ni jolma, ai do sibobanon bani.

7Tongon, seng dong na mambotoh atap aha na sihol masa, ai ise ma na boi patugahkon na sihol masa ai bani?

8Seng dong jolma na markuasa bani logou na boi mangolat ai; seng dong homa na markuasa bani ari parmateini, anjaha na boi maluah humbani porang; seng tarbahen hajahaton paluahkon na mangkorjahonsi.

9Haganupan ai domma huidah anjaha huparuhurhon haganup pambahenan na masa i toruh ni langit, bani panorang ni jolma manrajai hasomanni jolma gabe hasedaon bani sandiri.

Panrajaion ni Naibata na So Tardadap

10Ambah ni ai, huidah do tartanom halak parjahat; tapi halak na mangkorjahon na madear, luar humbani ianan na pansing in, anjaha lupa halak bani ibagas huta. Ai pe sisoya-soya do.

11Halani ai lang mintor podas mardalan uhum bani pambahenan hajahaton, halani ai gok do uhur ni jolma manisia laho mandalankon hajahaton.

12Age pe ihorjahon si pardousa na masambor saratus hali, anjaha sayur matua homa ia, tapi tangkas do hubotoh, sai na martuah do halak si habiari Naibata, halani marhabiaran sidea i lobei-Ni;

13tapi seng anjai dear anggo halak parjahat, anjaha seng tarpaganjangsi umurni, songon halinoh do ia, halani seng marhabiaran ia i lobei ni Naibata.

14Sisoya-soya do ai, na masa ai i atas tanoh on: Adong do halak parpintor, mangonai do bani sidea, songon na bani pambahenan ni halak parpintor. Ningku ma, “On pe sisoya-soya do.”

15Halani ai hupuji do malas ni uhur ai; ai seng dong na madear bani jolma i toruh ni langit, sobali na mangan minum pakon marmalas ni uhur. Ai boi do ia mangkasomanisi ibagas halojaonni sadokah ari-ari ni goluhni, na binere ni Naibata bani, i hasiangan on.

16Sanggah na hupabulat uhurhu, laho manandai hapentaran ampa laho marimbagaskon sagala na masa i atas tanoh on, ai ma, na so tarpodom ai halak arian pakon borngin,

17jadi huidah ma sagala pambahenan ni Naibata, tongon, seng tarbahen jolma mambotoh pambahenan ai, na masa i hasiangan on. Age sonaha pe loja ni jolma, ase ibotoh ai, seng anjai jumpahsi ai. Age pe nini halak na pentar, domma ibotoh, seng tongon ibotoh ai.


  Share Facebook  |  Share Twitter

 <<  Pengkhotbah 8 >> 


Bahan Renungan: SH - RH - ROC
Download
Alkitab ANDROID
Kamus Alkitab
Kamus Bahasa
Kidung Jemaat
Nyanyikanlah Kidung Baru
Pelengkap Kidung Jemaat
Alkitab.mobi
Copyright
© 2010-2023
Alkitab.SABDA.org

Android.SABDA.org
SABDA.mobi
Bantuan
Dual Panel Dual Panel

Laporan Masalah/Saran