Dual Panel1Ieu catetan ngaran-ngaran tempat anu ku kaom-kaom Israil dipake masanggrahan sanggeus maranehna budal ti Mesir, dijejeran ku Musa jeung Harun.
2Unggal tempat anu dipake masanggrahan, ku PANGERAN dipiwarang dicatet ku Musa.
3Urang Israil budalna ti Mesir tanggal lima welas bulan kahiji taun budalanana, sapoe ti saentos Paska anu mimiti. Dibawah pangraksa PANGERAN urang Israil budal ti Raamses bari diarawaskeun ku urang Mesir,
4anu harita keur ngaluburkeun anak-anak cikalna anu dipaehan ku PANGERAN. Ku midamel kitu PANGERAN teh mintonkeun kakawasaana-Na, ngabuktikeun yen Mantenna langkung-langkung kawasa ti batan allah-allah urang Mesir.
5Sanggeus kaluar ti Raamses, urang Israil masanggrahan di Sukot.
6Maju deui, masanggrahan di Etam sisi tanah gurun.
7Ti dinya malik ka Pi Hahirot wetaneun Baal Sepon, masanggrahan deukeut Migdol.
8Ti Pi Hahirot mareuntas nerus Laut Beureum terus asup ka Gurun Keusik Sur. Sanggeus ngetrik meunang tilu poe seug masanggrahan di Mara.
9Ti dinya terus ka Elim seug masanggrahan, sabab di dinya aya dua welas cinyusu jeung tujuh tangkal korma.
10Ti Elim maju deui terus masanggrahan deukeut Teluk Sues.
11Maju deui terus masanggrahan di Gurun Keusik Sin.
12Ti dinya masanggrahan di Dopka,
13tuluy masanggrahan deui di Alus,
14terus ka Repidim. Di dieu teu maranggih cai keur nginum.
15(33:15-37) Ti Repidim terus ka Gunung Hor. Tempat-tempat anu dipake masanggrahanana nya eta: Gurun Keusik Sinai, Kibrot Taawa, hartina: "Kuburan Kahawekan", Haserot, Ritma, Rimon Peres, Libna, Risa, Kehelata, Gunung Seper, Harada, Mahelot, Tahat, Terah, Mitka, Hasmona, Moserot, Bene Yaakan, Hor Hagidgad, Yotbata, Abrona, Esion Geber, Gurun Keusik Sin (nya eta Kades), jeung Gunung Hor di tungtung tanah Edom.
16(33:15)
17(33:15)
18(33:15)
19(33:15)
20(33:15)
21(33:15)
22(33:15)
23(33:15)
24(33:15)
25(33:15)
26(33:15)
27(33:15)
28(33:15)
29(33:15)
30(33:15)
31(33:15)
32(33:15)
33(33:15)
34(33:15)
35(33:15)
36(33:15)
37(33:15)
38(33:38-39) Ari Imam Harun ku PANGERAN dipiwarang unggah ka Gunung Hor, seug pupus di dinya dina yuswa 123 taun, dina tanggal hiji bulan kalima, taun kaopat puluh sabudalna urang Israil ti Mesir.
39(33:38)
40Geus kitu Raja Arad di Kanaan kidul meunang beja datangna urang Israil.
41(33:41-49) Ti Gunung Hor urang Israil muru tanah-tanah lempar di Moab. Tempat masanggrahanana nya eta: Salmona, Punon, Obot, ruruntuhan Abarim di wewengkon Moab, Dibon Gad, Almon Diblataim, Pagunungan Abarim deukeut Gunung Nebo, jeung di tanah-tanah lempar wewengkon Moab peuntaseun Walungan Yordan deukeut kota Yeriho, antara Bet Yesimot jeung Lebak Sitim.
42(33:41)
43(33:41)
44(33:41)
45(33:41)
46(33:41)
47(33:41)
48(33:41)
49(33:41)
50Di hiji padataran di Moab peuntaseun Yordan palebah Yeriho, PANGERAN nimbalan deui ka Musa,
51ngandikakeun parentah-parentah pikeun urang Israil, "Sanggeus maraneh meuntasan Yordan asup ka tanah Kanaan,
52pribumina singkirkeun, brahala-brahalana tina batu jeung logam, kitu deui tempat-tempat pamujaanana tumpurkeun.
53Andih eta tanah seug caricingan, memang ajang maraneh ti Kami.
54Bagikeun ka unggal kaom jeung kaom-kaomna, lotrekeun. Anu lega jang anu cacah jiwana loba, anu heureutan jang anu cacah jiwana saeutikan.
55Sabalikna lamun sesa pribumina nu harirup keneh ku maraneh henteu diusir, engkena tangtu nyusahkeun, bakal jadi cucuk panon, bakal ngagitik ti sisi ti gigir, bakal hudang ngalawan.
56Jeung saupama ku maraneh teu diusir, maraneh ku Kami tangtu dibasmi moal beda ti maranehna."